ભાસ્કર એક્સપોઝ:પૂર્વ UCD ડાયરેક્ટરે 11 સરકારી કેન્દ્રનું સંચાલન સાળીના દીકરા-દીકરીને સોંપ્યું

અમદાવાદએક મહિનો પહેલાલેખક: અલ્પેશ ભટ્ટ
  • કૉપી લિંક
અમદાવાદ મહાનગરપાલિકા - ફાઇલ તસવીર - Divya Bhaskar
અમદાવાદ મહાનગરપાલિકા - ફાઇલ તસવીર
  • ગરીબોના નામે પરિવારને અમીર બનાવવાનું કૌભાંડ વિજિલન્સ તપાસમાં પકડાયું
  • યોગેશ મૈત્રકે 7 આશ્રય ગૃહ, 4 આજીવિકા કેન્દ્રોનો વહીવટ ‘ઘર’માં જ સોંપી દીધો અને કોઈ બિલ વગર જ ખર્ચના વાઉચર મંજૂર પણ કર્યા

અમદાવાદ મ્યુનિ.ના અર્બન કોમ્યુનિટી ડેવલપમેન્ટના તત્કાલીન ડાયરેક્ટર અને હાલમાં ભારત સરકાર અર્બન મેનેજનમેન્ટ સેન્ટર હેઠળના ટેકનિકલ સપોર્ટ યુનિટના વડા તરીકે દીનદયાળ અંત્યોદય યોજના, પીએમ સ્વનિધિ યોજનામાં દિલ્હી ડેપ્યુટેશન પર ફરજ બજાવતા ડો. યોગેશ મૈત્રક ગરીબોની યોજનાના પૈસે પરિવારને અમીર બનાવતા હોવાનું કૌભાંડ વિજિલન્સની તપાસમાં બહાર આવ્યું છે.

મૈત્રકે તેમના ડાયરેક્ટર તરીકેના કાર્યકાળ દરમિયાન દીનદયાળ અંત્યોદય યોજના અંતર્ગત જે ટ્રસ્ટોને કામ સોંપવાનું હતું તેમાં પોતાની જ સગી સાળીના દીકરા-દીકરીની વુમન એમ્પાવરમેન્ટ કોર્પોરેશન નામની સંસ્થાને કામ સોંપી દીધું હતું. શહેરના કુલ 13 આશ્રય ગૃહો પૈકી 7 અને 4 આજીવિકા કેન્દ્રોનું સંચાલન વુમન અેમ્પાવપરમેન્ટને સોંપી દીધું છે. આશ્રય ગૃહોને કેન્દ્ર તરફથી મહિને 50 હજારની ગ્રાન્ટ અપાતી હતી છતાં પ્રત્યેક આશ્રય ગૃહનો 1.12 લાખનો ખર્ચ બતાવાયો હતો.

આ મુજબ 30 જેટલા આશ્રય ગૃહોને મહિને 13 હજાર એટલે કે 3.90 લાખનો ખર્ચ કોઈ બિલ વગર માત્ર વાઉચરના આધારે મંજૂર થયો હતો. વિજિલન્સે તપાસ કરી ત્યારે સંખ્યાબંધ ટ્રેનિંગ સેન્ટરો બંધ હતા અને આ સેન્ટરોના નામે પ્રવૃત્તિ ચાલતી હોવાનું બતાવાતું હતું. વિજિલન્સ તપાસમાં મૈત્રકના સગાંના રહેઠાણના પુરાવા, સરનામાની ખરાઈ રજિસ્ટ્રાર ઓફ કંપનીઝમાંથી કરાઈ હતી.

CLC કેન્દ્રો બંધ છતાં બિલ ચૂકવાયાનું તપાસમાં પકડાયું

  • સિટી લાઈવલી હુડ સેન્ટર (સીએલસી) તથા આશ્રયગૃહોમાં ગ્રાન્ટની ચૂકવણી માટે કોમ્યુનિટી ઓર્ગેનાઇઝરો અને આસિસ્ટન્ટ કોમ્યુનિટી ઓર્ગેનાઇઝરોએ નિયમિત વિઝિટ કરવાની હતી.
  • વિઝિટ બાદ તેઓ સંતોષકારક કામગીરીનું સર્ટિફિકેટ આપે પછી ગ્રાન્ટની રકમ ચૂકવાય.
  • જો કે ડિસેમ્બર 2020માં વિજિલન્સ વિભાગે સીએલ સેન્ટરોની અચાનક મુલાકાત લેતા તે બંધ હાલતમાં મળ્યા હતા.
  • જવાબદાર કોમ્યુનિટી ઓર્ગેનાઇઝર અને આસિસ્ટન્ટ કોમ્યુનિટી ઓર્ગેનાઇઝરને પૂછવામાં આવ્યું કે, આ સેન્ટર ક્યારથી બંધ છે? તો તેમનો જવાબ હતો કે, જાણ નથી. 10ને નોટિસો આપવામાં આવી હતી.
  • કમિશનરે આવી એજન્સીઓને 3 વર્ષ માટે કામગીરીથી દૂર કરવાનો ઠરાવ કર્યો હતો.

આ કર્મચારીને કમિશનરે નોટિસ આપી

સીએલસી સેન્ટરકોમ્યુ. ઓર્ગેનાઇઝર

આસિ. કોમ્યુ.ઓર્ગેનાઇઝર

શાહીબાગ,માધુપુરાહરગોવિંદભાઇ દેસાઇહરેશકુમાર પરમાર
ઓઢવમહેશ દરજીગૌતમભાઇ પરમાર
અમરાઇવાડીમહેશ દરજીરમેશ રાઠોડ
વટવાપરેશ પટેલચંદ્રકાંત તાવિયાડ
નિર્ણયનગરપ્રતીકકુમારઆશાબેન રાજપૂત

2017થી 2019 દરમિયાન સાળીના દીકરા-દીકરીની સંસ્થાને 26 લાખ ગ્રાન્ટ ચૂકવાઈ

સંસ્થાCLC એરિયાગ્રાન્ટ ચુકવાઇ
અજીત રૂરલ ડેવલપમેન્ટઓઢવ7 લાખ
વિમેન એમ્પાવરમેન્ટ કોર્પોરેશનનિર્ણયનગર7 લાખ
શ્રી સિદ્ધી ખાદી ગ્રામ ઉદ્યોગ કેળવણી સંસ્થાવટવા1.5 લાખ
ગુજરાત એસો. ફોર રૂરલ ડેવલપમેન્ટઅમરાઇવાડી5 લાખ
વિમેન એમ્પાવરમેન્ટ કોર્પોરેશનદાણીલીમડા5 લાખ
વિમેન એમ્પાવરમેન્ટ કોર્પોરેશનમેઘાણીનગર7 લાખ
વિમેન એમ્પાવરમેન્ટ કોર્પોરેશનમાધુપુરા7 લાખ

પરિવારવાદના વિવાદમાં ફસાયેલી સંસ્થામાં આ લોકો ડાયરેક્ટર છે
વિમેન એમ્પાવરમેન્ટ કોર્પોરેશનના ડાયરેક્ટર તરીકે હાલ અમૃતલાલ પરમાર, નિરવ પ્રિયદર્શી, પ્રીતિ પ્રિયદર્શી, છે. તે ઉપરાંત દેવેન્દ્રકુમાર સૂતરિયા, નરેશ સોખડિયા, ઉર્વશી પરમાર, જયંત લેઉઆ, કાનુભાઇ પરમાર, અજન્તાબેન પરીખ, મીનાબેન પટેલ અને નૌશાદજી સોલંકી કંપની રજિસ્ટ્રારમાં નોધાયેલા છે.

નિયમ મુજબ સગાંને કોન્ટ્રાક્ટ ન અપાય
નોકરની વર્તણૂક, શિસ્તપાલન, અપીલ અંગેના કોર્પોરેશનના નિયમોના પ્રકરણ -13ના મુદ્દા નં. 10.2.3. મુજબ કોર્પોરેશનના નોકરના કોઇ કુંટુંબના સભ્ય કોન્ટ્રાક્ટ કે અન્ય રીતે કામ કરી શકે નહીં. કર્મીએ આવી તમામ બાબતે ઉપરી અધિકારીનું ધ્યાન દોરવું આવશ્યક છે.

ડો. મૈત્રકે VRSની અરજી મ્યુનિ.ને કરી છે
ડો. મૈત્રક દ્વારા તાજેતરમાં જ વીઆરએસ લેવા માટે મ્યુનિ.માં અરજી કરી છે. જોકે તેને કમિશનર દ્વારા મંજૂરી આપવામાં આવી નથી. તેમની સામે ચાલી રહેલી આ તપાસોને કારણે તેમનું રાજીનામું મંજૂર કરાયું નથી.

હાઉસિંગ કૌભાંડમાં અગાઉ સસ્પેન્ડ થયા
આ અગાઉ પણ ડૌ. મૈત્રક સામે સુરતના હાઉસિંગ પ્રોજેક્ટમાં ગેરવ્યવહાર બાબતે વિજિલન્સ દ્વારા તપાસ થતાં તેમને તે સમયે સસ્પેન્ડ કરયા હતા. રાજકીય ઉચ્ચકક્ષાએથી થયેલી ફરિયાદ બાદ તેમની સામે આ પગલાં લેવાયા હતા.

અન્ય સમાચારો પણ છે...