તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

પ્રવેશ પ્રક્રિયા પર વિવાદ:RTEમાં ખોટા દસ્તાવેજ સાથે એડમિશન લેનાર સામે DEO અને શાળાઓએ સાથે મળીને તપાસ શરૂ કરી

અમદાવાદએક મહિનો પહેલા
  • કૉપી લિંક
  • શિક્ષણ અધિકારી દ્વારા ખોટા દસ્તાવેજોના આધારે પ્રવેશ લેનાર વાલીઓ સામે કાર્યવાહી શરૂ

કોરોનાને લઈ RTE અંતર્ગત પ્રવેશ પ્રક્રિયા મોડી શરૂ થયા બાદ હવે પ્રવેશ પ્રક્રિયાને લઈ નવો વિવાદ સામે આવ્યો છે. આ વિવાદ ખુદ શિક્ષણ અધિકારીઓ માટે પણ પડકારરૂપ છે. ખોટા દસ્તાવેજના આધારે પ્રવેશ મેળવવાની ઘટના હાલમાં આનંદનિકેતન સ્કૂલમાં સામે આવી હતી એ વાલી સામે પોલીસ ફરિયાદ કરાઈ હતી. જોકે આ ઘટના બાદ જિલ્લા શિક્ષણ તંત્ર હરકતમાં આવી ગયું છે અને આવા ખોટા દસ્તાવેજોના આધારે શાળામાં પ્રવેશ લેનાર વાલીઓ સામે કાર્યવાહી DEO માટે પણ પડકારજનક છે. જોકે આ ઘટના બાદ જિલ્લા શિક્ષણ અધિકારી દ્વારા ખોટા દસ્તાવેજોના આધારે પ્રવેશ લેનાર વાલીઓ સામે કાર્યવાહી શરૂ કરી દીધી છે.

RTEમાં એડમિશન માટે આવક મર્યાદા 1 લાખ 50 હજાર હતી
RTE અંતર્ગત અમદાવાદ શહેરમાં 1385 શાળાઓ અંતર્ગત 12500 બેઠક માટે 30 હજાર 500 ફોર્મ ભરાયા હતા. જે અંતર્ગત 26 હજાર વિદ્યાર્થીઓ ના ફોર્મ કનફોર્મ કરાયા હતા. પ્રથમ રાઉન્ડમાં 11150 એડમિશન ફળવાયા છે. જોકે હાલમાં થયેલી એડમિશન પ્રક્રિયામાં જ ખોટા દસ્તાવેજો ના આધારે એડમિશન લેવાયાનું સામે આવ્યું છે. જેમાં આનંદનિકેતન સ્કૂલમાં વાલીએ ખોટો આવકનો દાખલો રજુ કરીને એડમિશન લીધું હતું. RTEમાં એડમિશન માટે આવક મર્યાદા 1 લાખ 50 હજાર હતી. જ્યારે વાલીએ 4.11 લાખનુ આઇટી રિટર્ન ફાઈલ કર્યુ હતું જે ધ્યાને આવતા વાલી સામે ફરિયાદ નોંધવાઈ છે. આ ઘટના બાદ જિલ્લા શિક્ષણ અધિકારી ઓફિસ હરકતમાં આવી છે. જે વાલી પર શંકા છે તેવા વાલીઓને DEO કચેરી બોલાવી ખુલાસો મંગવામાં આવી રહ્યો છે. અને એડમિશન પરત ખેંચી લેવા તાકીદ પણ કરવામાં આવી છે.

બાળકનું પ્રવેશ તો રદ થશે તો પોલીસ કાર્યવાહી નક્કી
આ અંગે જિલ્લા શિક્ષણ અધિકારી હિતેન્દ્રસિંહ પઢેરિયાએ જણાવ્યું કે ખોટા દસ્તાવેજ આધારે પ્રવેશ લેનાર વાલીઓ સામે કાર્યવાહી થશે. શાળાના સંચાલકો પણ વાલીઓ કર જેઓએ RTE હેઠળ એડમિશન લીધા છે તેઓની તપાસ કરે છે તેઓને શંકા જણાય તેની રજુઆતના આધાર DEO કચેરીથી પણ તપાસ કરાય છે અને હવે વાલીઓ સામે પોલીસ ફરિયાદ કરવામાં આવશે.મહત્વનું છે કે આનંદ નિકેતન સ્કૂલની ઘટના બાદ સ્પષ્ટ થઈ ગયું છે કે 1 લાખ 50 હાજર થી વધુ જે વાલીની આવક જણાશે તેના બાળકનું પ્રવેશ તો રદ થશે જ સાથે પોલીસ કાર્યવાહી થશેએ નક્કી છે.

અન્ય સમાચારો પણ છે...