13 આર્ટિસ્ટના વર્કમાં છે લોકડાઉનની ‘અનુભૂતિ’:અમદાવાદની ગુફા ગેલેરીમાં આર્ટ શો 7 ફેબ્રુઆરી સુધી સાંજે 4થી 8 વાગ્યા સુધી જોઈ શકાશે

13 આર્ટિસ્ટે પોતાની અનુભૂતિને ચિત્રોમાં વ્યક્ત કરી છે. આ આર્ટિસ્ટે લોકડાઉનમાં જે અનુભવ્યું અને જે ફોલો કર્યું તેની અસર પણ જોઈ શકાય છે. અમદાવાદની ગુફા ગેલેરીમાં 13 આર્ટિસ્ટનો આર્ટ શો ‘અનુભૂતિ’ શરૂ થયો છે. તેમાં અમિત ગોસ્વામી, ભૂમિ ઢેબર, કિશન કપ્પારી, બિરવા શાહ, ચિંતન સોમપૂરે, હર્ષદ પંચાલ, કૈલાશ દેસાઈ, નવનીત રાઠોડ, પૂજા બુચ, પ્રિયા પરિયાણી, રચના કારિયા, રૂપલ બુચ અને સજ્જદ કપાસીનો સમાવેશ થાય છે. 7 ફેબ્રુઆરી સુધી સાંજે 4થી 8 વાગ્યા સુધી આ શો જોઈ શકાશે.

આર્ટ શો અંગે વાત કરતાં આર્ટિસ્ટ રૂપલ બુચે કહ્યું કે, ‘દરેક ચિત્રકાર માટે તેની અનુભૂતિ મહત્વની હોય છે. તેની અનુભૂતિ ઉપર જ ચિત્રનો બેઝ તૈયાર થાય છે અને અંતે આર્ટ સાકાર થાય છે. શોમાં તમામ 13 આર્ટિસ્ટે કોરોનાકાળમાં લોકડાઉન વખતે તેમજ અનલોક સ્થિતિમાં માસ્કને અપનાવ્યું તેમજ સોશિયલ ડિસ્ટન્સિંગને લગતાં ચિત્રો પણ જોઈ શકાય છે. તેમાં અમદાવાદ ઉપરાંત હૈદરાબાદ અને મુંબઈના આર્ટિસ્ટનો પણ સમાવેશ થાય છે.