રાહત:અમદાવાદમાં સુપર સ્ટોર્સ પણ કડક શરતો સાથે ખૂલ્યાં

શહેરના તમામ સુપર સ્ટોર્સ કડક નિયમોને આધારે શરૂ કરવાનો નિર્ણય મ્યુનિ.એ કર્યો છે. કેન્દ્રની ગાઇડલાઇન પ્રમાણે આ સ્ટોર્સ ચાલુ થશે. રિલાયન્સ રિટેઇલ, ડીમાર્ટ, ઓશિયા, બિગબજાર સહિતના મોલને અગાઉ ફક્ત હોમ ડિલિવરીની છૂટ હતી. પરંતુ હવે  નિયમોને આધીન છૂટછાટ આપવામાં આવી છે. આ ઉપરાંત મ્યુનિ.ની ટીમ દ્વારા આ સ્ટોરની સતત મુલાકાત લઇ તેઓ નિયમોનું પાલન કરે છે કે કેમ? તે તપાસ કરશે. જો ઉલંઘન કરે તો તેમની સામે સ્ટોર સીલ કરવા સહિતના પગલા લઇ શકાશે.
એક જ દિવસમાં સ્ટોરમાંથી 40 હજાર હોમડિલિવરી થઇ
મોટા સ્ટોર દ્વારા ગત 15મીથી 18મી દરમ્યાન કુલ 40 હજાર હોમ ડિલિવરી થઇ હતી. જોકે મંગળવારે આ સ્ટોરમાંથી 40 હજાર લોકોને હોમડિલિવરીથી માલ પહોંચાડવામાં આવ્યો હતો. તેમજ 5 હજાર લોકોએ સ્ટોરમાં જઇને ખરીદી કરી હતી.
સુપર સ્ટોર્સ માટે આ નિયમો ફરજિયાત

શાકભાજીના ફેરિયાને  છૂટ આપવામાં આવી છે 
પશ્ચિમ અમદાવાદમાં દુકાનો ખૂલી ગયાના બીજા દિવસે અમદાવાદ મ્યુનિસિપલ કોર્પોરેશન સત્તાવાળાએ લોકોડાઉનમાં અપાયેલી રાહતમાં શું ખુલશે અને શું બંધ રહેશે તેની ગાઇડલાઇન જાહેર કરી છે. મ્યુનિ.એ સ્પષ્ટતા કરી છે કે, શાકભાજીના ફેરિયાને જ વેપારની છૂટ આપવામાં આવી છે. મ્યુનિ.એ ઘણા ફેરિયાને હેલ્થકાર્ડ પણ ઈશ્યૂ કર્યા છે.
કોમ્પ્લેક્સમાં 50 ટકાથી વધુ દુકાન નહીં ખોલી શકાય
શહેરના જે શોપિંગ કોમ્પલેક્સમાં એકથી વધારે દુકાનો આવેલી છે અને આ દુકાનોને નંબર આપવામાં આવ્યા છે, ત્યાં એકી - બેકી મુજબ દુકાનો ખોલવાની રહેશે. કોઇપણ એક દિવસે 50 ટકાથી વધુ દુકાનો ખુલ્લી રાખી શકાશે નહી. જો કે કઇ દુકાન ખુલ્લી રહેશે કે કઇ દુકાન બંધ રહેશે તેનો નિર્ણય જે-તે બિલ્ડિંગના વેપારીઓએ કે બિલ્ડિંગના એસોસિએશનને કરવાનો રહેશે.