વ્યાજખોરનો ત્રાસ:ઘાટલોડિયામાં 8 વ્યાજખોર સામે વિદ્યાર્થીની ફરિયાદ

ઘાટલોડિયાના પ્રભાત ચોક શ્રીકુંજ સોસાયટીમાં રહેતો બોની અશોકભાઈ પટેલ(24) મોટી ભોયણ ખાતેની યુનિર્વસલ કોલેજમાં બી.ઈ.મિકેનીકલ એન્જીનીયરીંગમાં ત્રીજા સેમિસ્ટરમાં અભ્યાસ કરે છે.

લગભગ અઢી વર્ષ પહેલા બોનીને વેબ ડિઝાઈનીંગનો ધંધો શરુ કરવા માટે પૈસાની જરુર હોવાથી બોનીએ સ્કુલના મિત્ર વિપુલ ભરવાડ પાસેથી માસિક 10 ટકાના વ્યાજે રૂ.3.20 લાખ લીધા હતા. તેમાંથી બોનીએ રૂ.2 લાખ ચૂકવી દીધા હોવા છતાં વિપુલ રૂ.5 લાખ બાકી હોવાનું કહીને ઉઘરાણી કરતો હતો. જોકે વ્યાજ ચૂકવવા યુવકે બીજા 8 વ્યાજખોર પાસેથી 10થી 40 ટકા સુધી વ્યાજે પૈસા લીધા હતા. યુવકે મૂડી-વ્યાજ ચૂકવ્યા છતાં લેણદારોએ ઉઘરાણી ચાલુ રાખી હતી.

આ અંગે બોનીએ વિપુલ ભરવાડ,વાઘુ રબારી, અજય દેસાઈ, ભરત દેસાઈ, જનક ભરવાડ, પાર્થ ભરવાડ, લાલા ઉર્ફે હાર્દિક, શેરો ઠાકોર અને વિશાલભાઈ વિરુદ્ધ ફરિયાદ નોંધાવી છે.