મેઘો વરસ્યો મૂશળધાર:દક્ષિણ ગુજરાત-સૌરાષ્ટ્રમાં મેઘરાજાની ધમાકેદાર બેટિંગ, વલસાડ, અમરેલીમાં 5 ઈંચ સુધી વરસાદ, 112 તાલુકાઓમાં ભારેથી લઈ સામાન્ય વરસાદ

અમદાવાદ9 મહિનો પહેલા
આ તસવીર પ્રતિકાત્મક છે
  • શનિવારે રાજ્યના 26 જિલ્લાઓમાં વરસાદ નોંધાયો
  • આજે રાજ્યના 6 જિલ્લાઓમાં ભારે વરસાદની આગાહી

રાજ્યમાં ચોમાસું લાંબા વિરામ બાદ ફરી એકવાર સક્રિય થયું છે. તેમાં પણ દક્ષિણ ગુજરાત તથા સૌરાષ્ટ્રના કેટલાક જિલ્લાઓમાં મેઘરાજાની ધમાકેદાર બેટિંગ જોવા મળી રહી છે. છેલ્લા 24 કલાકની વાત કરીએ તો રાજ્યના 26 જિલ્લાઓના 112 તાલુકાઓમાં ભારેથી લઈને સામાન્ય સુધીનો વરસાદ જોવા મળ્યો છે. જેમાં વલસાડ, વાપી, લીલીયા, ભાવનગર, અમરેલી, ધારીમાં 5 ઇંચ સુધી વરસાદ થયો હતો. રક્ષાબંધને પણ સવારે 6થી 8ના સમયમાં 16 તાલુકામાં મેઘમહેર થઈ હતી. જેમાં નર્મદાના સાગબારામાં અડધો ઈંચ વરસાદ થયો છે, જ્યારે પોરબંદર, ધાનેરા, ડીસા, સુરતમાં પણ સવારથી વરસાદી માહોલ છે.

રાજ્યમાં સીઝનનો 41.42 ટકા વરસાદ
રાજ્યમાં અત્યાર સુધી કુલ સીઝનનો 41.42 ટકા વરસાદ નોંધાઈ ચૂક્યો છે. રવિવારે સવાર 8.30 કલાક સુધીમાં ગુજરાતમાં સરેરાશ 6.54 એમ.એમ વરસાદ નોંધાયો હતો. જેમાં દક્ષિણ ગુજરાત તથા સૌરાષ્ટ્રના જૂનાગઢ, ગીર સોમનાથ અને અમરેલી જિલ્લામાં 5 ઇંચ સુધીનો વરસાદ ખાબક્યો હતો. દક્ષિણ ગુજરાતના વાપી, વલસાડ, ધરમપુર તથા અમરેલીના લીલીયા, ધારી અને ભાવનગરમાં પણ વરસાદી માહોલ જોવા મળ્યો હતો.

લીલીયામાં વરસાદ બાદ રસ્તા પણ નદીઓ વહેતી હોય તેવા દ્રશ્યો સર્જાયા
લીલીયામાં વરસાદ બાદ રસ્તા પણ નદીઓ વહેતી હોય તેવા દ્રશ્યો સર્જાયા

છેલ્લા 24 કલાકમાં સૌથી વધુ વરસાદ ધરાવતા 10 તાલુકા

જિલ્લોતાલુકોવરસાદ
વલસાડધરમપુર5.43 ઈંચ
અમરેલીલીલીયા4.76 ઈંચ
વલસાડવલસાડ4.02 ઈંચ
ભાવનગરમહુવા3.34 ઈંચ
અમરેલીઅમરેલી2.91 ઈંચ
વલસાડવાપી2.08 ઈંચ
વલસાડઉમરગામ2 ઈંચ
નવસારીખેરગામ1.81 ઈંચ
નવસારીચીખલી1.57 ઈંચ

આજે 6 જિલ્લાઓમાં ભારે વરસાદની આગાહી

હવામાન વિભાગની આગાહી મુજબ, રવિવારે રક્ષાબંધન પર ઉત્તર ગુજરાતમાં ઉત્તર ગુજરાતમાં અરવલ્લી, મધ્ય ગુજરાતમાં મહીસાગર, દક્ષિણ ગુજરાતમાં નવસારી, વલસાડ, સૌરાષ્ટ્રમાં અમરેલી, ગીર સોમનાથ તથા દીવ-દમણ, દાદરા નગર હવેલીમાં ભારે વરસાદ પડી શકે છે. આ સાથે આગામી 26 તારીખ સુધી રાજ્યભરમાં વીજળીના કડાકા ભડાકા સાથે હળવો વરસાદ પડી શકે છે.

રાજ્યમાં આગામી 26 ઓગસ્ટ સુધી વરસાદની આગાહી
રાજ્યમાં આગામી 26 ઓગસ્ટ સુધી વરસાદની આગાહી

કઈ તારીખે ક્યાં વરસાદની આગાહી?

તારીખજિલ્લો
22થી 23 ઓગસ્ટ

સૌરાષ્ટ્ર અને કચ્છ સહિત રાજ્યના તમામ જિલ્લાઓમાં હળવા વરસાદની સંભાવના

23થી 24 ઓગસ્ટ

તાપી, ડાંગ, સુરત, વલસાડ, નવસારી તથા દમણ અને દાદરા નગર હવેલી, અરવલ્લી, સાબરકાંઠા અને મહિસાગર, રાજકોટ, જામનગર, પોરબંદર, જુનાગઢ, અમરેલી, મોરબી, દ્વારકા, ગીર સોમનાથ, કચ્છ તથા દીવમાં વરસાદની સંભાવના

24થી 25 ઓગસ્ટ

વલસાડ, નવસારી, દમણ તથા દાદરા નગર હવેલી, કચ્છ, પોરબંદર, દ્વારકા

25થી 26 ઓગસ્ટ

ડાંગ, તાપી, સુરત, વલસાડ, નવસારી, દમણ અને દાદર નગર હવેલી, ગીર સોમનાથ, જૂનાગઢ, અમરેલી અને દીવ

(24 કલાકનો સમયગાળો સવારે 8.30 કલાકથી બીજા દિવસે સવારના 8.30 કલાક સુધીનો છે)