વિશેષ:ઓઢવના પર્યાવરણ મંદિર ખાતે સોલાર પાર્ક સ્થપાશે, વેસ્ટ મ્યુઝિયમ પાસે 2 નંબરની સાઈટ પરના આ પાર્કના સોલાર પ્રોજેક્ટમાંથી 1.5 મેગાવોટ વીજળી મળશે

શહેરનાં પૂર્વ વિસ્તારમાં નરોડા, ઓઢવ અને વટવા ઈન્ડસ્ટ્રીઝના પોલ્યુશનને લઈને બદનામ છે પણ અહીં પણ ક્યાંક ક્યાંક નંદનવન તૈયાર કરાઈ રહ્યું છે અને એનર્જી પ્રોજેક્ટ પર કામ થઈ રહ્યું છે. લઈને ઓઢવમાં ઈન્ડસ્ટ્રિયલ વેસ્ટની સાઈટ પર એનવીરો પ્રોજેક્ટ લિમિટેડ દ્વારા જે વેસ્ટ મ્યુઝિયમ અને પર્યાવરણ મંદિર તૈયાર કરાયું છે ત્યાં હવે થોડાક જ સમયમાં સોલાર પાર્ક સ્થપાશે. આ સાથે મ્યુઝિયમ વેસ્ટ ટુ વેલ્થ સંકલ્પના પ્રમાણે આગળ વધશે એટલે કે ઈન્ડસ્ટ્રિયલ વેસ્ટનું સીઈઈ સાથે મળીને આરએનડી કરાશે અને તેમાંથી બ્રિક્સ-પેવર બ્લોક બનશે જે બાંધકામમાં કે વોલ બનાવવામાં ઉપયોગી થઈ પડશે.

ઓઢવની વેસ્ટ સાઈટને પણ નંદનવન બનાવાશે
સિરામીક, ઓઈલ ઈન્ડસ્ટ્રીઝમાં જોખમી ઘન કચરાની ટ્રિટમેન્ટ પછી આ વેસ્ટનું શું થઈ શકે તે માટે અને બીજા વર્ક માટે 1995માં નરોડા એનવીરો પ્રોજેક્ટ લિમિટેડની સ્થાપના થઈ હતી. 1997માં સાઈટ બની જે હાલ પેક છે પણ તેની ઉપર પર્યાવરણ મંદિર અને વેસ્ટ મ્યુઝિયમ તૈયાર કરાયું છે. ત્યાં જ હવે 2 નંબરની સાઈટ પર 1.5 મેગાવોટનો સોલાર પ્રોજેક્ટ સ્થપાશે. જેનાથી બહારથી વિજળી નહીં લેવી પડે. ઓઢવની વેસ્ટ સાઈટને નંદનવન બનાવવાના પ્રયાસ છે. -શૈલેષ પટવારી, બિઝનેસમેન, એનવીરો પ્રા.લિ