સાઈલેન્સર ચોરી:સાણંદ સર્કલ પાસે કાર કંપનીના ગોડાઉનથી તસ્કરોએ14 લાખનાં 22 સાઈલેન્સર ચોર્યાં

સરખેજ શાંતિપુરા સર્કલથી સાણંદ સર્કલ તરફના રોડ પરના એક ખેતરમાં જાણીતી કાર કપંનીનું ગોડાઉન આવેલું છે. જ્યાં ચારે બાજુ તારનું ફેન્સિંગ, સિકયોરિટી ગાર્ડ અને સીસીટીવીની સુવિધા હોવા છતાં તસ્કરો એક જ મોડલની ગાડીઓમાંથી રૂ.14.30 લાખની કિંમતના 22 સાઈલેન્સર ચોરી ગયા હોવાની સરખેજ પોલીસ સ્ટેશનમાં ફરિયાદ નોંધાઈ છે.

આ અંગે કંપનીના ડ્રાયવર ભાવેશભાઇએ ગોડાઉનના સ્ટોકેડ ઈન્ચાર્જ અશ્વિન શર્માને વાત કરી હતી. ગાડીના 1 સાઈલેન્સરની કિંમત રૂ.65 હજાર હોવાથી 22ની કિંમત રૂ.14.30 લાખ થતી હતી. અશ્વિન શર્માએ સરખેજ પો. સ્ટેશનમાં ફરિયાદ કરતા પોલીસે તપાસ શરૂ કરી હતી.