તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

કોરોના ઈફેક્ટ:અમદાવાદ અને સુરતમાં સીરો સર્વે થશે, જેમાં કોમ્યુનિટી ટ્રાન્સફર, હર્ડ ઇમ્યુનિટી અને વાઇરસનો સ્કેલ શોધાશે

અમદાવાદએક વર્ષ પહેલા
  • કૉપી લિંક
  • હોટસ્પોટ વિસ્તારમાં રેન્ડમલી બ્લડ સીરમ લઈ તેનું નિરીક્ષણ કરવામાં આવશે: ICMRની નવી ગાઇડ લાઈન

ગુજરાતના કોરોના હોટસ્પોટ અમદાવાદ અને સુરતમાં કોમ્યુનિટી ટ્રાન્સફર અને રોગને કાબુમાં લેવાની સાથે હજુ કેટલા સમય સુધી કોરોનાનો કહેર ચાલશે તે માટે કેન્દ્રની ગાઈડલાઈન મુજબ સીરો સર્વે કરવાનું નક્કી કર્યું છે, જેમાં આ બંને શહેરો ના અલગ અલગ વિસ્તારમાંથી રેન્ડમ બ્લડ સીરમ લઈ એનું નિરીક્ષણ કરવામાં આવશે. જેના આધારે વાયરસના સ્કેલને શોધવામાં આવશે, અને એન્ટીબોડીના વિકાસની માત્રા પણ જાણી શકાશે.
‘સીરોટેસ્ટ’ શું છે અને કેવી રીતે કામ કરે છે? 
દેશના વિવિધ વિસ્તારોમાં નોવેલ કોરોનાવાઈરસના ચેપ અને તેને પગલે કોવિડ-19ના કેસોના ટ્રેન્ડ ચકાસવા માટે ‘સીરોસર્વે’ (Serosurvey) કરવામાં આવે છે. રેગ્યુલર ટેસ્ટિંગ ઉપરાંતના આ સર્વેક્ષણથી જે તે વિસ્તારમાં કોરોના કમ્યુનિટી ટ્રાન્સમિશનના તબક્કામાં પહોંચ્યો છે કે કેમ તે પણ જાણી શકાય છે. આ ટેસ્ટમાં સેમ્પલ્સનાં બ્લડ સીરમનો અભ્યાસ કરાતો હોવાથી તેને ‘સીરોટેસ્ટ’કહેવામાં આવે છે.
આ સર્વેક્ષણમાં 24,000 લોકોના નમૂના તપાસવામાં આવશે
સમગ્ર દેશમાં સૌથી વધુ કોરોના દર્દીઓ છે. તેવા વિસ્તારમાં સર્વેક્ષણ માટે (આઈસીએમઆર) અને અન્ય એજન્સીઓ દ્વારા સૌથી વધુ કેસ ધરાવતા 10 શહેરોમાં મુંબઇ, દિલ્હી, પુણે, અમદાવાદ, થાણે, ઇન્દોર, જયપુર, ચેન્નાઈ અને સુરતનો સમાવેશ થાય છે. આ સર્વેક્ષણમાં 24,000 લોકોના નમૂના તપાસવામાં આવશે જેના આધારે ભારતની સ્થિતિના પરિણામો નક્કી કરવામાં આવશે. દરેક જિલ્લામાંથી 10 રેન્ડમ ક્લસ્ટરો ઓળખી લેવામાં આવશે અને ઘરોમાંથી નમૂનાઓ શરૂ કરવામાં આવશે. આ સર્વેના પરિણામો ખૂબ જ મહત્વપૂર્ણ છે. તેઓ નિર્ણય કરશે કે કોરોનાથી ભારત માટેના યુદ્ધની દિશા શું હશે.
ટીમ રેન્ડમ ઘરોની મુલાકાત લેશે અને સર્વેની પ્રક્રિયા વિશે માહિતી આપશે
સીરો સર્વે પ્રક્રિયા મુજબ, અભ્યાસ ટીમ રેન્ડમ ઘરોની મુલાકાત લેશે અને તેમને સર્વેની પ્રક્રિયા અને ઉદ્દેશ્ય વિશે માહિતી આપશે. ત્યારબાદ, પરિવારો પાસેથી લેખિત સંમતિ પ્રાપ્ત કરવામાં આવશે. મૂળભૂત વસ્તી વિષયક વિગતો ઉપરાંત, કોવિડ -19 કેસના સંપર્કનો ઇતિહાસ, કોવિડ -19 જેવા લક્ષણો અને ક્લિનિકલ ઇતિહાસ એક મહિનામાં નોંધવામાં આવશે.
400 લોકોની નસોમાંથી લોહીના નમૂના લેવામાં આવશે
કોમ્યુનિટી ટ્રાન્સમિશનના વલણને શોધવા માટે પીપલ્સ બ્લડ સીરમની તપાસ કરવામાં આવશે. દરેક જિલ્લાના 10 ક્લસ્ટરોમાંથી 400 લોકોની નસોમાંથી લોહીના નમૂના લેવામાં આવશે. ઘરમાંથી ફક્ત એક જ વ્યક્તિના નમૂના લેવામાં આવશે. આઇસીએમઆર, આરોગ્ય વિભાગ, રોગ નિયંત્રણ માટે રાષ્ટ્રીય કેન્દ્ર અને રાજ્ય આરોગ્ય વિભાગ અને ડબ્લ્યુએચઓ ની મદદ સાથે આ સર્વે હાથ ધરવામાં આવશે.
સર્વેના પરિણામો આગળની વ્યૂહરચનામાં મદદ કરશે
સીરો મોજણી દવારા સરકાર અને તેની એજન્સીઓને માત્ર કોરોનાના વધતા જતા પ્રકોપ પર નજર રાખવામાં મદદ મળશે, પણ દેશના કોઈપણ ભાગમાં સમુદાયના ટ્રાન્સમિશનની પણ તપાસ કરવામાં આવશે. સર્વેના પરિણામો ગળની વ્યૂહરચનામાં મદદ કરશે. પ્રારંભિક સર્વે સમુદાયમાં ઇન્ફેક્શનના સીરો પ્રસારની તપાસ કરશે અને પછીના તબક્કાઓ સમુદાયમાં ચેપ ફેલાવવાનું નિરીક્ષણ કરવામાં મદદ કરશે.
સીરોસર્વેમાં લો રિસ્ક ગ્રૂપ અને હાઈ રિસ્ક ગ્રૂપ એમ બે ભાગમાં લોકોના ટેસ્ટ થાય છે
સામાન્ય રીતે સીરોસર્વેમાં લો રિસ્ક ગ્રૂપ અને હાઈ રિસ્ક ગ્રૂપ એમ બે ભાગમાં લોકોને પસંદ કરીને તેમના ટેસ્ટ કરવામાં આવે છે. લો રિસ્ક ગ્રૂપમાં દવાખાનાંમાંથી સારવાર લઈને નીકળતા ‘નોન ઈન્ફ્લુએન્ઝા લાઈક ઈલનેસ’પેશન્ટ્સ (Non-ILI પેશન્ટ્સ) અને ગર્ભવતી સ્ત્રીઓને પસંદ કરવામાં આવે છે. જ્યારે હાઈ રિસ્ક પોપ્યુલેશનમાં સામાન્ય રીતે હેલ્થકેર વર્કર્સનો સમાવેશ થાય છે. દર અઠવાડિયે આવાં 200 અને દર મહિને 800 સેમ્પલ લઈને ટેસ્ટ કરાય છે. તેમાં હાઈ રિસ્ક પોપ્યુલેશન ધરાવતા સિલેક્ટેડ વિસ્તારોમાંથી દર અઠવાડિયે 100 (એટલે દર મહિને 400) સેમ્પલ લઈને સર્વે કરાય છે. ટેસ્ટ કરનારી એજન્સીઓ આ માટે RT-PCR તથા એલિઝા એન્ટિબોડી ટેસ્ટ કિટ બંનેનો ઉપયોગ થાય છે. અલબત્ત, એ નોંધવું જોઈએ કે આ સેમ્પલ્સ અને ટેસ્ટ્સનો હેતુ વ્યક્તિગત દર્દીઓનાં નિદાન માટે નહીં, બલકે સર્વેલન્સના હેતુ માટે કરાય છે. 

અન્ય સમાચારો પણ છે...