રાહત:માધ્યમિક-ઉચ્ચતર માધ્યમિક શિક્ષકોને વતન જવા મંજૂરી

માધ્યમિક અને ઉચ્ચતર માધ્યમિક સ્કૂલોના શિક્ષકોને વેકેશનમાં વતન જવામાં મદદ કરવા તમામ ડીપીઓ અને ડીઇઓને શિક્ષણ સચિવે મૌખિક સૂચના આપી છે. શિક્ષણ વિભાગના સૂત્રોના જણાવ્યા પ્રમાણે શિક્ષકોએ રજૂઆત કરી હતી કે, વેકેશને કારણે ઘણા શિક્ષકો વતનમાં જવા ઇચ્છે છે તો તેમને પાસ ઇશ્યૂ કરવામાં આવે. આ ઉપરાંત ઘણા શિક્ષકોની ફરિયાદ હતી કે, શિક્ષકોની ઓનલાઇન અરજી નામંજૂર કરવામાં આવે છે, જેથી જે શિક્ષકની અરજી નામંજૂર થાય તેમને પોતાની બિટ નિરીક્ષકને જાણ કરવા અને જરૂર પડે તો જે તે અધિકારી સાથે સંકલન કરવા પણ જણાવાયું છે.