કોરોનાવાઈરસ:હિમાલયા મોલ પાસેના શ્રીજી ટાવરમાં ત્રણ લોકોના રિપોર્ટ પોઝિટિવ આવ્યા

હિમાલયા મોલ પાસેના શ્રીજી ટાવરમાં એક જ પરિવારના બે સહિત કુલ ત્રણના રિપોર્ટ પોઝિટિવ આવ્યા હતા. જ્યારે પાલડીની ગિરનાર સોસાયટીમાં બે, સોલા હાઈકોર્ટ પાસેના નંદનવન બંગલોઝમાં એક, આનંદનગરના કનકકલામાં એક જ્યારે પ્રેરણાતીર્થ દેરાસર પાસેના પારસ બંગલોમાં એક અને નંદવન 5માં એક પોઝિટિવ કેસ નોંધાયો હતો. જોધપુરના અવની રો-હાઉસમાં પણ 80 વર્ષીય વૃદ્ધા કોરોનાની ઝપેટમાં આવ્યા હતા. પાલડીના માદલપુર ગામમાં પણ ચેપ પ્રસર્યો છે. જ્યારે વેજલપુરના વિનસ પાર્ક લેન્ડમાં વધુ એક પુરુષનો રિપોર્ટ પોઝિટિવ આવ્યો છે. અહીં અગાઉ પણ 4 કેસ નોંધાયા હતા.