હાઈકોર્ટનો ચુકાદો:ગાંધી આશ્રમના રીડેવલોપમેન્ટ પ્રોજેક્ટને મંજુરી,મુખ્ય 5 એકર જમીન છોડીને 55 એકર જમીન પર રીડેવલોપમેન્ટ થશે

અમદાવાદ23 દિવસ પહેલા
  • કૉપી લિંક
ફાઈલ ફોટો - Divya Bhaskar
ફાઈલ ફોટો
  • ગાંધીજીના વિચારો અને મૂલ્યોનું જતન થઈ શકે એ રીતે રીડેવલોપમેન્ટ પ્લાનને મંજુરી અપાઈ

ગુજરાત હાઇકોર્ટે ગાંધી આશ્રમ સંદર્ભે મહત્વનો ચુકાદો આપ્યો છે. ગાંધીજીના પ્રપૌત્ર તુષાર ગાંધીએ ગાંધી આશ્રમના રીડેવલપમેન્ટ સંદર્ભે કરેલી અરજીનો આજે હાઇકોર્ટે નિકાલ કર્યો હતો. હાઈકોર્ટ દ્વારા મહત્વનું અવલોકન કરવામાં આવ્યું છે કે પાંચ એકર જે ગાંધી આશ્રમની મુખ્ય જગ્યા છે તેને યથાવત પરિસ્થિતિમાં રાખવામાં આવશે. જ્યારે બાકીની 55 એકર જગ્યાને રીડેવલોપ કરવાની મંજૂરી મળી ગઈ છે. આશ્રમ સાથે જોડાયેલા અલગ અલગ ટ્રસ્ટોને કઈ રીતે કામગીરી કરવામાં આવશે તે સંદર્ભે પણ એક પ્રશ્ન હતો તેનો પણ નિકાલ કરાયો છે. ગાંધી આશ્રમ રીડેવલોપમેન્ટ કરવા પાછળનો મુખ્ય ઉદ્દેશ ગાંધીજીના સમયમાં જે રીતે આશ્રમની વ્યવસ્થા હતી તે જ વ્યવસ્થા ફરી ઉપસ્થિત થાય અને ગાંધી વિચારો અને ગાંધી જીવન વિશ્વ ફલક પર દેખાય તે માટેનો હોવાનો ઉલ્લેખ કોર્ટની દલીલ દરમિયાન થયો હતો.

સુપ્રીમ કોર્ટમાં હાઈકોર્ટના ચુકાદા વિરૂદ્ધ અપીલ કરી હતી
ગુજરાત હાઇકોર્ટે નવેમ્બર 2021માં સાબરમતી આશ્રમના રીડેવલપમેન્ટ સામેની અરજી ફગાવી હતી અને રિડેવલપમેન્ટના રાજ્ય સરકારના નિર્ણયને યોગ્ય ઠેરવ્યો હતો. જોકે ગાંધીજીના પ્રપૌત્ર તુષાર ગાંધીએ સુપ્રીમ કોર્ટમાં હાઈકોર્ટના ચુકાદા વિરૂદ્ધ અપીલ કરી હતી અને સુપ્રીમ કોર્ટે 1 એપ્રિલ,2022ની સુનાવણીમાં નોંધ્યું હતું કે હાઇકોર્ટે રિટની સુનાવણી દરમિયાન સરકાર પાસેથી સોગંદનામા પર વિસ્તૃત જવાબ માંગવાની જગ્યાએ સંક્ષિપ્ત દલીલોના આધારે જ પીટિશન રદ કરી છે. જેથી પીટિશનની ફરી હાઇકોર્ટમાં સુનાવણી કરવામાં આવે અને આ મુદ્દે જૂન માસમાં શરૂ થયેલ સુનાવણીનો આજે ચુકાદો આવ્યો છે.

સુપ્રીમ કોર્ટે ગુજરાત હાઇકોર્ટને બંને પક્ષે સાંભળી હુકમ કરવા નિર્દેશ આપ્યા હતા( ફાઈલ ફોટો)
સુપ્રીમ કોર્ટે ગુજરાત હાઇકોર્ટને બંને પક્ષે સાંભળી હુકમ કરવા નિર્દેશ આપ્યા હતા( ફાઈલ ફોટો)

હાઈકોર્ટે અરજીનો નિકાલ કરતાં મામલો સુપ્રીમમાં પહોંચ્યો હતો
અગાઉ ગુજરાત હાઇકોર્ટે રાજ્ય સરકાર વતી કરવામાં આવેલા નિવેદન બાદ આ અરજીનો નિકાલ કર્યો હતો. બાદમાં આ સંદર્ભે સુપ્રીમ કોર્ટમાં અરજી કરવામાં આવી હતી. સુપ્રીમ કોર્ટે આ અંગેની સુનાવણી ફરી ગુજરાત હાઇકોર્ટને બંને પક્ષે સાંભળી હુકમ કરવા નિર્દેશ આપ્યા હતા. શરૂઆતમાં ગુજરાત હાઇકોર્ટ સમક્ષ રાજ્ય સરકારે ગાંધી આશ્રમના કોર એરિયામાં કોઇપણ પ્રકારનો બદલાવનું આયોજન ન હોવાનું નિવેદન કર્યું હતું, બાદમાં ખંડપીઠે અરજીનો નિકાલ કર્યો હતો, પછીથી મામલો સુપ્રીમ કોર્ટ પહોંચ્યો હતો.

ગાંધીજીના મૂલ્યો અને તેમનાં વારસાને મહત્તમ લોકો સુધી પહોંચાડી શકાય તેવી દલીલ ( ફાઈલ ફોટો)
ગાંધીજીના મૂલ્યો અને તેમનાં વારસાને મહત્તમ લોકો સુધી પહોંચાડી શકાય તેવી દલીલ ( ફાઈલ ફોટો)

55 એકર જગ્યા પર ગાંધી આશ્રમ ડેવલપમેન્ટનું આયોજન
અગાઉ સરકારે ગુજરાત હાઇકોર્ટ સમક્ષ એક સોગંદનામું રજૂ કર્યું છે. જેમાં ગાંધીજીના મૂલ્યો અને તેમનાં વારસાને મહત્તમ લોકો સુધી પહોંચાડી શકાય એ દિશામાં સરકારના પ્રયાસ હોવાનુ કહેવામાં આવ્યું છે. આગામી પેઢીને ગાંધીજીના મૂલ્યો અને વારસા બાબતે અવગત થાય તે માટે આશ્રમ આસપાસનું ડેવલપમેન્ટ જરૂરી છે. ગાંધી આશ્રમનો કોર એરિયા બદલાશે નહીં. ગાંધી આશ્રમ આસપાસ કુલ 55 એકર જગ્યા પર ગાંધી આશ્રમ ડેવલપમેન્ટનું આયોજન હોવાનું જણાવ્યું હતું.