એક બહેને બે બહેનોનું કન્યાદાન કર્યું:લોક ગાયિકાએ બહેનોને પરણાવી, રાજલ બારોટે બે બહેનનાં ધામધૂમથી લગ્ન કરાવ્યા, ધ્રુસકે ધ્રુસકે રડી

અમદાવાદ11 દિવસ પહેલા
બહેનનું કન્યાદાન આપી રહેલી રાજલ બારોટ
  • લગ્નમાં જીગ્નેશ કવિરાજ થી લઈને માયાભાઈ આહિર સહિતના કલાકારો હાજર રહ્યા

ગુજરાતની જાણીતી લોકગાયિકા રાજલ બારોટે એક બહેન તરીકેની ફરજ બજાવી સમાજમાં દાખલો બેસાડ્યો છે. રાજલે તેની એક મોટી બહેન અને કાલે બે નાની બહેનના ધામધૂમથી લગ્ન કરાવી તેમનું કન્યાદાન કર્યું હતું. ગાંધીનગરમાં યોજાયેલા આ લગ્ન પ્રસંગમાં રાજલ ધ્રુસકે ધ્રુસકે રડી પડી હતી. આ લગ્નમાં જીગ્નેશ કવિરાજ થી લઈને માયાભાઈ આહિર સહિતના કલાકારો હાજર રહ્યા હતા.

પિતાના અવસાન બાદ બહેનો એકલી પડી હતી
જાણીતા લોક ગાયક મણિરાજ બારોટ અને તેમની પત્નીના અવસાન બાદ તેમની ચાર દીકરી એકલી પડી ગઈ હતી. તેને કોઈ ભાઈ પણ ન હોવાથી તે સમયે રાજલ બારોટે પણ પિતાના પગલે લોકગાયક બની બહેનોને મોટી કરી હતી. ત્યાર બાદ બે વર્ષ પહેલાં રાજલની મોટી બહેન મેઘલના લગ્નમાં પણ રાજલે કન્યાદાન કરી એક અલગ ચીલો ચાતર્યો હતો. રાજલે ગઈકાલે તેની બે નાની બહેનોના પણ ધામધૂમથી લગ્ન કરાવી બંને બહેનોનું કન્યાદાન કર્યું હતું.

સ્ટેજ પર રડી રહેલી રાજલ બારોટ
સ્ટેજ પર રડી રહેલી રાજલ બારોટ
રાજલ અને તેની ત્રણેય બહેનો એકબીજા પાસેથી સંપીને રહેવાનું વચન માગે છે
રાજલ અને તેની ત્રણેય બહેનો એકબીજા પાસેથી સંપીને રહેવાનું વચન માગે છે

ચારેય બહેન એકબીજાને રાખડી બાંધે છે
રક્ષાબંધનમાં બહેન ભાઈના ઘરે જઈને રાખડી બાંધે છે, જ્યારે રાજલ અને તેમની 3 બહેન પોતાના જ ઘરે એકબીજાને રાખડી બાંધે છે અને એકબીજા પાસેથી હંમેશાં સાથે અને સંપીને રહેવાનું વચન માગે છે. જીવનમાં કેવી પણ પરિસ્થિતિ આવે, એકબીજાની પડખે ઊભા રહીને મદદ કરવાનું એકબીજાને વચન આપે છે.

પિતાના અવસાન બાદ ચારેય બહેનોની જવાબદારી લેનારું કોઈ રહ્યું નહોતું
પિતાના અવસાન બાદ ચારેય બહેનોની જવાબદારી લેનારું કોઈ રહ્યું નહોતું

કોણ છે રાજલ બારોટ
સ્વ. મણિરાજ બારોટની બીજી દીકરી રાજલ બારોટનો જન્મ બાલવા (પાટણ) માં થયો હતો. રાજલને ગાયકીની પ્રથમ તક તેમના પિતાએ જ આપી હતી. તેમના આશીર્વાદથી જ હાલ રાજલ લોક ડાયરામાં અને સ્ટેજ પ્રોગ્રામમાં ખૂબ વ્યસ્ત રહે છે. જુલાઈ 2006માં પ્રથમવાર એક લોકગીત ગાયું હતું. જેના શબ્દો હતા, ‘હેલ ભરીને હું તો હાલું ઉતાવળી’ અને તે લોકગીત માટે રાજલને પ્રોત્સાહક ઇનામ આપવામાં આવ્યું હતું. ત્યારે તે ખૂબ ખુશ હતી. પિતાના પગલે ચાલીને રાજલ અત્યારે ડાયરા ક્વિન તરીકે જાણીતી બની ગઈ છે.

લગ્નમાં આવેલા જીગ્નેશ કવિરાજ સહિતના મહેમાનો
લગ્નમાં આવેલા જીગ્નેશ કવિરાજ સહિતના મહેમાનો

રાજલના જાણીતા સોંગ્સ
13 વર્ષની ઉંમરથી ગાવાનું શરૂ કરનાર રાજલે અત્યાર સુધીમાં 70 કરતા પણ વધુ આલ્બમોમાં પ્લેબેક સિંગિગ કરી ચૂકી છે. જેમાં આઈ જવાની આઈ, જવાની આ જવાની, દશામાની લીમડી, ચુડેલ માંના ધામમાં, લવનો ડેન્ગ્યું, ઢોલો ગુજરાતનો, ઢોલો હાલ્યો પરદેશ, દશામાની પૂજા, અંબેમાંનો ટાઈગર, ગુજરાતની સિંહણ, એકડે એક અંબેમાંની ટેક, ગલોલો, અંબેમાં મોંઘવારી બની ડાકણ, સુરતની ભનજૂરિયુ, આ સિવાય માણીગર ઢોલા અને રાજલ હિરલની ધમાલ જેવા સોંગ્સનો સમાવેશ થાય છે.

પીઠી દરમિયાન રાજલની બહેનો
પીઠી દરમિયાન રાજલની બહેનો