તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ગુજરાતમાં વરસાદી માહોલ:અમદાવાદમાં કલાકમાં એક ઈંચ વરસાદ ખાબક્યો; આણંદ-નડિયાદ સહિત વડોદરામાં પણ મેઘરાજાની ધમાકેદાર એન્ટ્રી

અમદાવાદ10 દિવસ પહેલા
રામદેવનગર ચાર રસ્તા કોર્ટયાર્ડ હોટલ વિસ્તારમાં વરસાદ વરસ્યો
  • રાણીપ, ન્યુ રાણીપ, સુભાષબ્રિજ, બોડકદેવ, વસ્ત્રાપુર આસપાસના વિસ્તારમાં 2 ઇંચ વરસાદ પડ્યો
  • એસજી હાઈવે, ઘાટલોડિયા સહિત શહેરના વિવિધ વિસ્તારમાં પવન અને કડાકા ભડાકા સાથે વરસાદ
  • બોપલ, ઘુમા, વિવેકાનંદનગર, બાકરોલ, સનાથલ સહિત ઘણી જગ્યાએ લાઈટ ડૂલ થઈ
  • 9 વાગ્યા અરસામાં ગાજવીજ સાથે વરસાદ વરસવાની શરૂઆત થઈ

અમદાવાદમાં એક કલાકમાં સરેરાશ એક ઇંચ જેટલો વરસાદ પડ્યો છે. તો રાણીપ, ન્યુ રાણીપ, સુભાષબ્રિજ, બોડકદેવ, વસ્ત્રાપુર આસપાસના વિસ્તારમાં 2 ઇંચ વરસાદ પડ્યો છે.અમદાવાદ શહેરમાં શુક્રવારે રાત્રિના સમયે 9 વાગ્યાથી કડાકાભડાકા સાથે વરસાદ વરસાવા લાગ્યો છે. શહેરના ઘાટલોડીયા, રાણીપ, ન્યુ રાણીપ, મોટેરા, ચાંદખેડા, ગોતા, એસજી હાઇવે, વૈષ્ણવદેવી, સાયન્સ સિટી, શીલજ, બોપલ, ઘુમા, બાકરોલ, નવાપુરા અને સનાથલ સહિતના વિસ્તારોમાં વરસાદ વરસી રહ્યો છે. વરસાદને પગલે દિવસ દરમિયાન રહેલા બફારામાં લોકોને રાહત મળી હતી.

આણંદના અનેક વિસ્તારોમાં વરસાદ પડતા રસ્તાઓ પાણીમાં ગરકાવ થઈ ગયા હતા
આણંદના અનેક વિસ્તારોમાં વરસાદ પડતા રસ્તાઓ પાણીમાં ગરકાવ થઈ ગયા હતા

મધ્ય ગુજરાત પર મેઘરાજા મહેરબાન
દિવસભર ભારે બફારા બાદ મધ્ય ગુજરાતમાં મોડી રાતે મેઘરાજાએ ધમાકેદાર એન્ટ્રી કરી છે. મધ્ય ગુજરાતમાં અમદાવાદ, નડિયાદ, આણંદ સહિત વડોદરામાં ધોધમાર વરસાદ ખાબક્યો છે. જેને કારણે શહેરોના અનેક વિસ્તારોની વીજળી ડૂલ થઈ ગઈ છે. તો વળી, રસ્તાઓ પાણીમાં ગરકાવ થઈ ગયા છે. સાવ નહીવત વરસાદે જ સરકારની પ્રિ-મોન્સૂન કામગીરીની પોલ ખોલી નાખી છે.

રાતે 6થી 10 વાગ્યા સુધીનો વરસાદ

તાલુકો

વરસાદ (મિલિમિટરમાં)

કલોલ28
નડિયાદ25
હિંમતનગર20
મહેસાણા19
મહેેમદાવાદ16
ગાંધીનગર14
કઠલાલ13

​​​​​​​ગુરુવારે પણ વરસાદ પડ્યો હતો

ગઈકાલે પણ અમદાવાદ શહેરમાં રાત્રે 11 વાગ્યે ગાજવીજ સાથે વરસાદનાં ઝાપટાં પડ્યાં હતાં, જેમાં સરખજે, એસ.જી. હાઇવે, પ્રહલાદનગર, થતલેજ, બોડકદેવ, વેજલપુર, જુહાપુરા, નારણપુરા, નવરંગપુરામાં વરસાદ વરસ્યો હતો.

ઘાટલોડિયામાં વરસાદ
ઘાટલોડિયામાં વરસાદ

શહેર આસપાસના ઘણાં વિસ્તારમાં લાઈટ ડૂલ
વરસાદના કારણે UGVCLની પાવર સપ્લાય શહેર આસપાસના મોટાભાગના વિસ્તારમાં ડૂલ થઈ ગઈ છે. બોપલ, ઘુમા, વિવેકાનંદનગર, બાકરોલ, સનાથલ સહિત આસપાસના વિસ્તારમાં એક તરફ વીજળીના કડાકાભડાકા સાથે વરસાદ વરસી રહ્યો છે તો બીજી તરફ લોકોને અંધારામાં ઘરમાં પૂરાઈ રહેવું પડી રહ્યું છે. જેથી લોકોને હાલાંકીનો સામનો કરવો પડી રહ્યો છે.

રામદેવનગર સેટેલાઈટ રોડ
રામદેવનગર સેટેલાઈટ રોડ
ગોતા ગુજરાત હાઉસિંગ બોર્ડ
ગોતા ગુજરાત હાઉસિંગ બોર્ડ