સ્ટેટ GST ટીમની કાર્યવાહી:રાજ્યના 104 પેટ્રોલપંપ પર દરોડા પાડ્યા; પેટ્રોલપંપ સંચાલકોએ 400 કરોડનું પેટ્રોલ બારોબાર વેચી ટેક્સચોરી કરી

તાજેતરમાં સ્ટેટ જીએસટીની ટીમ દ્વારા રાજ્યના પેટ્રોલપંપ સંચાલકોને ત્યાં સાગમટે દરોડા પાડવામાં આવ્યા હતા. ટેક્સ ચોરીના કૌભાંડમાં રાજ્યના 104 પેટ્રોલપંપ પર દરોડા દરમિયાન ટેકસ ચોરી તેમજ વેટના રજિસ્ટ્રેશન રદ થવા છતાં તેઓએ પેટ્રોલનું વેચાણ ચાલું રાખ્યું હતું. અત્યાર સુધીમાં પેટ્રોલપંપ સંચાલકોએ રૂ. 400 કરોડનું પેટ્રોલ બારોબાર વેચીને રૂ. 65 કરોડની ટેકસ ચોરી કરી હોવાનું તપાસમાં બહાર આવ્યું છે.

પેટ્રોલનો ભાવ રૂ. 100ની નજીક પહોંચી ગયા છે ત્યારે કેટલાક પેટ્રોલ પંપ સંચાલકો ગેરરીતિ કરવામાંથી ખચકાઇ રહ્યા નથી. જીએસટી લાગુ થયાને ચાર વર્ષ વીતી ગયા તેમ છતાં નંબર લેવાયા ન હતા. આ પેેટ્રોલ સંચાલકો ટેકસ ભર્યા વગર પેટ્રોલ વેચતા હતા. વેટના રજિસ્ટ્રેશન વગર 27 પેટ્રોલ પંપ વેચાણ કરતા હતા, જેમણે રજિસ્ટ્રેશન વગર અંદાજે રૂ. 400 કરોડનું વેચાણ કર્યા હોવાનું સામે આવ્યું છે. આ ઉપરાંત કેટલાક પેટ્રોલ પંપો ભરવાપાત્ર વેરો ન ભરીને ટેકસ ચોરી કરી હોવાનું જાણવા મળ્યુંં છે. અત્યાર સુધીની તપાસમાં રૂ. 64 કરોડનો વેરો ભરપાઇ કર્યો ન હોવાનું બહાર આવ્યું છે. પેટ્રોલપંપ સંચાલકોની મિલકતો ટાંચમાં લેવામાં આવી છે.

વેટ રજીસ્ટ્રેશન વગર વેચાણ થતું હતું

કયા શહેરમાં કેટલા પેટ્રોલ પંપ પર દરોડા