સરકારે વિધાનસભા ગૃહમાં જણાવ્યું:1 વર્ષમાં 255 કરોડના ખર્ચે 78 લાખ રેપિડ ટેસ્ટ કિટ ખરીદાઇ

કોવિડની સારવારમાં રાજ્ય સરકારે 31 જાન્યુઆરી, 2021ની સ્થિતિએ 1 વર્ષમાં 78 લાખ રેપિડ ટેસ્ટ કિટ રૂ. 255 કરોડના ખર્ચે ખરીદી હતી, તેમ સરકારે કોંગ્રેસના ધારાસભ્ય ગુલાબસિંહ રાજપુતના પ્રશ્નમાં વિધાનસભા ગૃહમાં જણાવ્યું હતું. રેપિડ ટેસ્ટ, સેનિટાઇઝર અને પીપીઇ કિટની રૂ.293.25 કરોડની ખરીદી થઇ છે.

રેપિડ ટેસ્ટ કિટના જવાબમાં સરકારે જણાવ્યું હતું કે, રૂ. 255.61 કરોડની કિટ પૈકી 136.30 કરોડની ચૂકવણી કંપનીઓને કરાઇ છે, બીજી રકમ ચૂકવવાની બાકી છે. સેનિટાઇઝર માટે કોંગ્રેસના ધારાસભ્ય વિક્રમ માડમ દ્વારા પૂછાયેલા પ્રશ્નના જવાબમાં સરકારે જણાવ્યું હતું કે, 350 એમ.એલ.સેનિટાઇઝરથી 500 એમ.એલ. સેનિટાઇઝરની કુલ 6,45,780 બોટલ રૂ. 6 કરોડની ખરીદાઇ હતી.