સ્ટેન્ડિંગ કમિટી સમક્ષ રજૂઆત:સફાઈના નામે શહેરના દરેક ઘર પાસેથી રોજનો રૂ.3 યુઝર ચાર્જ વસૂલવા તૈયારી

અમદાવાદ6 મહિનો પહેલા
  • કૉપી લિંક
  • ટેક્સ ફ્રી બજેટની વાતો કર્યા પછી લોકો પર 281 કરોડના વેરાની દરખાસ્ત
  • સ્ટેન્ડિંગમાં રજૂ થયેલા પ્રસ્તાવ મુજબ કોમર્શિયલ એકમે રોજના રૂ.5 ચૂકવવા પડશે

શહેરમાં મ્યુનિ. સત્તાધારી પક્ષ તેમજ કમિશનર દ્વારા નાગરિકોને કરવેરા સિવાયનું બજેટ આપ્યાની જાહેરાત થયાના એક સપ્તાહમાં જ ફરીથી સફાઇના નામે નાગરિકો પર 281 કરોડનો બોજો નાખવાની દરખાસ્ત ફરીથી સ્ટેન્ડિંગ કમિટી સમક્ષ રજૂ થઇ છે. આ દરખાસ્તમાં રહેણાંક મિલકતો પાસેથી રોજના રૂ. 3 અને કોમર્શિયલ મિલકતો પાસેથી રોજના રૂ. 5 લેખે યુઝર ચાર્જ વસૂલવાની દરખાસ્ત કરવામાં આવી છે.

સ્ટેન્ડિંગ કમિટી દ્વારા અગાઉ રજૂ થયેલી આ દરખાસ્તને વિચારણા માટે મુલત્વી રાખ્યા બાદ આગામી ગુરુવારે યોજાનારી સ્ટેન્ડિંગ કમિટીમાં ફરીથી રજૂ કરવામાં આવી છે. જેમાં શહેરને સ્વચ્છતામાં નંબર 1 બનાવવા માટે શરતના ભાગરૂપે તમામ ચાર્જ નાગરિકો પાસેથી વસૂલવાની રજૂઆત થઇ હતી. ઉલ્લેખનીય છેકે, તે માટે નાગરિકો પાસે રહેણાંકની મિલકતમાં રોજના રૂ. 3 અને કોમર્શિયલ મિલકતમાં રોજના રૂ. 5 લેખે વસૂલવાની દરખાસ્ત છે. તેને કારણે મ્યુનિ.ની આવકમાં 281 કરોડનો વધારો થવાની શક્યતા છે.

આ દરખાસ્તનો વિરોધપક્ષના નેતા શહેજાદખાન પઠાણે વિરોધ કર્યો હતો. તેમણે જણાવ્યું છેકે, વર્ષ 2022-23ના અંદાજપત્રમાં કોઇપણ જાતનો વધારાનો વેરો નહીં આપવાની લોલીપોપ આપ્યા બાદ ફરીથી સ્ટેન્ડિંગ કમિટીમાં આ વધારો ઝીંકવા માટેની દરખાસ્ત રજૂ કરવામાં આવી છે. જો આ વધારો ઝિંકવામાં આવશે તો કોંગ્રેસ તેનો વિરોધ કરશે.

ક્યાં કેટલો વધારો થઈ શકે

રહેણાંકનો પ્રકારહાલનો દરવધારાનો દર
ઝૂંપડાં00
એફોર્ડેબલ હાઉસિંગ0.50.5
અન્ય રહેણાકની મિલકતો13

બિન રહેણાંક એકમોમાં

રહેણાંકનો પ્રકારહાલનો દરવધારાનો દર
50 ચો.મી ઓછું13
50 ચો.મી.થી વધુ25

અન્ય સમાચારો પણ છે...