ઉત્સવનો અનોખો આનંદ:​​​​​​​મોજીલા ગુજરાતીઓ 'ઘર' માં જ પરિવાર અને મિત્રો સાથે મળીને દિવાળીના તહેવારોની ઉત્સાહભેર ઉજવણી કરી રહ્યા છે

કોરોનાના કારણે છેલ્લા 7 મહિનાથી અનેક બંધનો અને મર્યાદાઓ હોવાથી અનેક તહેવારોની ઉજવણી થઈ શકી નહોતી, પણ ગુજરાતીઓએ દિવાળી તો મોજ થી મનાવી રહ્યા છે, તહેવારપ્રિય અને ખાવાના શોખીન ગુજરાતી પ્રજા પોતાના ઘરે પરિવાર અને મિત્રો દિવાળીની ધામધુમથી ઉજવણી કરી રહ્યા છે જેમાં ફટાકડા, રંગોળી, નવા કપડાં સાથે મોજ માણી રહ્યા છે.

8 વાગતા જ સમગ્ર રાજ્યમાં ફટાકડાના કડાકા-ભડાકા સાંભળવા મળ્યા હતા
તહેવારો અને પ્રસંગોમાં દિલથી પૈસા ખર્ચ કરનાર ગુજરાતીઓએ મીઠાઈ, અને ફટાકડાની ખરીદી કરીને કોરોનાના ડરના માહોલમાંથી બહાર નીકળવાની કોશિશ કરી રહ્યા છે, ગુજરાતમાં ફટાકડા ફોડવા પર પ્રતિબંધ જાહેર કરવા માટે માગ કરવામાં આવી હતી. જોકે આવી કોઈ મનાઈ કરવામાં આવી નહોતી પરંતુ ફટાકડા ફોડવાનો સમય રાત્રે 8 વાગ્યાથી 10 વાગ્યા સુધી નિશ્ચિત કરવામાં આવ્યો હતો. પરંતુ આ દરમિયાન સમગ્ર રાજ્યમાં ફટાકડાના કડાકા-ભડાકા સાંભળવા મળ્યા હતા. એટલું જ નહીં રાતભર ફટાકડા ફોડી અનોખી ઉજવણી કરી હતી, દિવાઓની રોશનીથી શહેરો અને ગામડાઓ પ્રકાશિત જોવા મળ્યા છે તો ઘરમાં રંગોળીના રંગોથી કોરોનાનું દર્દના કાળો કલર ઝાંખો પાડ્યો છે.

કોરોનાના ડર વચ્ચે દિવાળી ઉજવવાની લોકોએ નવી જ રીત શોધી
દિવાળીને વધુ ખાસ બનાવવા, નવી ચીજવસ્તુઓ લેવા માટે બજારોમાં છેલ્લી ઘડી સુધી ભીડ જોવા મળી રહી હતી, ઘર ડેકોરેશનનની વસ્તુઓ,નાસ્તાઓ, નવા કપડાં અને ફટાકડાની ખરીદી ચાલી રહી છે અને બજારમાં ભીડ કરતા રોનક વધુ જોવા મળી રહી છે. કોરોનાના ડર વચ્ચેની આ દિવાળી ઉજવવાની લોકોએ નવી જ રીત શોધી લીધી છે અને મોટાભાગના લોકો પોતાના ઘરે રહીને પરિવાર સાથે જ માસ્ક પહેરવાના કે સોશિયલ ડિસ્ટન્સના નિયમોનું પાલન કરીને ફટાડકા ફોડતા જોવા મળ્યા છે. વેપારીઓએ ચોપડા પૂજન કરીને દિવાળીની ઉજવણી કરી રહ્યા છે.તે જોતા હવે ગુજરાતીઓ ની ગાડી ફરી પાટા પર ચડી રહી હોવાનું મનાય છે, બજારમાં ઘરાકીથી વેપારીઓ માં પણ નવું જોમ આવ્યું છે.