નવા ચહેરાઓનો ગુનાહિત ઇતિહાસ:ગુજરાત વિધાનસભાની ચૂંટણીમાં જીતેલા 182 ઉમેદવારોમાંથી 40 ઉમેદવારો સામે ક્રિમીનલ કેસ, 29 સામે ગંભીર ગુના

ગુજરાત વિધાનસભાના 182 ઉમેદવારોમાંથી 40 (22 ટકા) ઉમેદવારોએ તેમની સામે ગુના હોય તેવું તેમના સોગંદનામાં જણાવવામાં આવ્યું છે. તેની સામે 2017માં 47 (26 ટકા) સામે ગુના હોવાનું જણાવવામાં આવ્યું હતું. આ જીતેલા 182 ઉમેદવારોમાંથી 29 (16 ટકા) દ્વારા સામે ઉમેદવારો સામે ગંભીર પ્રકારના ગુનાઓ દાખલ થયેલા છે. 2017માં 33 (18 ટકા) ઉમેદવારો સામે ગંભીર પ્રકારના ગુનાઓ નોંધાયેલા હોવાનું તેમના સોગંદનામાં જણાવ્યું હતું.

ત્રણ ઉમેદવારો સામે હત્યાના પ્રયાસનો ગુનો
ગુજરાત ઈલેક્શન અને ADR દ્વારા ગુજરાત વિધાનસભાની ચૂંટણીમાં જીત હાંસલ કરેલા તમામ ઉમેદવારોના સોગંદનામાંનું વિશ્લેષણ કરવામાં આવ્યું છે. જેનો અહેવાલ આજે પત્રકાર પરિષદમાં જાહેર કરતા ADRના સ્થાપક પ્રો. જગદીપ છોકર અને નેશનલ ઈલેક્શન વોચ પ્રમુખ નિવુત્ત મેજર જનરલ અનિલ વર્માએ વધુમાં જણાવ્યું હતું કે, ગુજરાત વિધાનસભાની ચૂંટણીમાં જીત હાંસલ કરનારા ત્રણ ઉમેદવારો કોંગ્રેસના વાસદાના ઉમેદવાર અનંત પટેલ, પાટણના કોંગ્રેસના ઉમેદવાર કિરીટ પટેલ તથા ઉનાના ભાજપના ઉમેદવાર કાળુભાઈ રાઠોડ સામે હત્યાના પ્રયાસનો ગુનો નોંધાયેલો છે.

100 ટકા ઉમેદવાર સામે ગુનો નોંધાયેલો
જ્યારે ચાર ઉમેદવારો શેહરાના ભાજપના ઉમેદવાર જેઠાભાઇ ભરવાડ, વડગામના કોંગી ઉમેદવાર જીગ્નેશ મેવાણી તેમજ ડેડીયાપાડાના આપના ઉમેદવાર ચૈતરભાઈ વસાવા અને ભાજપના ઉમેદવાર જનકભાઇ તલાવિયા સામે મહિલાઓ સામેના ગુનાઓ દાખલ છે. આ ઉમેદવારો પૈકી ભાજપના 156 ઉમેદવારો પૈકી 20 (13 ટકા), કોંગ્રેસના 17 ઉમેદવારોમાંથી 4 (24 ટકા) અને આપના 5 ઉમેદવારો પૈકી 2 (40 ટકા) અને અપક્ષના 3 ઉમેદવારો પૈકી 2 (68 ટકા) અને સમાજવાદી પાર્ટીના જીતેલા એક માત્ર ઉમેદવાર સામે પણ ગુનો નોંધાયેલો છે. મતલબ કે 100 ટકા ઉમેદવાર સામે ગુનો નોંધાયેલો છે.

ગંભીર પ્રકારના ગુનાઓ એટલે શું?
ગંભીર પ્રકારના ગુનાઓ એટલે કે 5 વર્ષ કે તેથી વધુ સજા થઇ શકે તેવા ગુનાઓ, બિનજામીન લાયક ગુનાઓ, ચુંટણીને લગતા ગુનાઓ, લાંચ રુશ્વત, સરકારી તિજોરીને નુકસાન થાય તેવા ગુનાઓ, લોક પ્રતિનિધિત્વ ધારા અંતર્ગતના ગુનાઓ તેમ જ મહિલાઓ સામેના ગુનાઓનો સમાવેશ થાય છે.

182માંથી 151 ઉમેદવારો કરોડપતિ
ગુજરાત ઇલેકશન વોચના કો-ઓર્ડીનેટર પંક્તિ જોગે જણાવ્યું છે કે, ગુજરાત વિધાનસભાની ચૂંટણીમાં જીતેલાં 182 ઉમેદવારોમાંથી 151 (83 ટકા) ઉમેદવારો કરોડપતિ છે. 2017માં 141 (77 ટકા) ઉમેદવારો કરોડપતિ હતા. મતલબ કે 2017ની સરખામણીમાં કરોડપતિ ઉમેદવારોની સંખ્યામાં 6 ટકા વધુ છે. પક્ષવાર સ્થિતિ તપાસીએ તો ભાજપના 156 પૈકી 132 (85 ટકા), કોંગ્રેસના 17માંથી 14 (82 ટકા) તથા આમ આદમી પાર્ટીના 5 ઉમેદવારમાંથી માત્ર એક (20 ટકા) ઉમેદવાર અને અપક્ષના ત્રણેય ઉમેદવારો તથા સમાજવાદી પાર્ટીના જીતેલા એક ઉમેદવાર કરોડપતિ છે.

આમ અપક્ષ અને સમાજવાદી પાર્ટીમાં 100 ટકા ઉમેદવાર કરોડપતિ છે. તેમાંય 5 કરોડ કે તેથી વધુ મિલક્ત ધરાવતાં 73, બે કરોડથી 5 કરોડની મિલ્કત ધરાવતાં 52, અને 50 લાખથી બે કરોડ સુધીની મિલકત ધરાવતાં 46 અને 50 લાખ કે તેથી ઓછી મિલકત ધરાવતાં 11 જીતેલા ઉમેદવારો છે. એટલે કે 2022માં જીતેલા 182 ઉમેદવારોની સરેરાશ મિલકત 16.41 કરોડ છે. જયારે 2017માં સરેરાશ મિલકત 8.46 કરોડની હતી. આમ 2017ની સરખામણીએ પણ 2022માં સરેરાશ મિલકત 8 કરોડ જેટલી વધુ ધરાવે છે.

ફેક્ટ ફાઇલ

કેટલાં ઉમેદવારો કેટલું ભણેલા

​​​​​​​કઇ ઉંમરના કેટલાં ઉમેદવારો

​​​​​​​ટોપ 10 જીતેલા ઉમેદવાર પાસે સૌથી વધુ મિલ્કત

​​​​​​​ફોજદારી કેસ સાથે જીતેલા ઉમેદવારોની યાદી

​​​​​​​પાંચ યુવા જીતેલા ઉમેદવાર

​​​​​​​