પરીક્ષા:ગુજરાત યુનિ.ની યુજી, પીજીની ઓનલાઇન પરીક્ષા 13મીથી શરૂ થશે

ગુજરાત યુનિવર્સિટીના પરીક્ષા વિભાગ દ્વારા 13મી ફેબ્રુઆરીથી સાયન્સ, કોમર્સ, આર્ટસ સહિતની વિવિધ વિદ્યાશાખાની (યુજી સેમેસ્ટર-3 અને5) જ્યારે પીજી ( સેમેસ્ટર-3)ની પરીક્ષાનો પ્રારંભ થશે.

બીજી તરફ 22મી ફેબ્રુઆરીએ પણ વિવિધ સેમેસ્ટરની ઓનલાઈન પરીક્ષા થવાની છે. જ્યારે 13મી ફેબ્રુઆરી અને 22મી ફેબ્રુઆરીએે આશરે 48,000 વિદ્યાર્થીઓ આ પરીક્ષામાં ભાગ લેશે એવી માહિતી મળી છે. દિવસ દરમિયાન વિવિધ સમય ગાળામાં થનારી આ પરીક્ષાઓમાં 50 માર્કસના 50 પ્રશ્નો આવરી લેવાશે. કોરોના કાળને ધ્યાનમાં રાખીને ઓનલાઇન યોજાતી આ પરીક્ષાને વિદ્યાર્થીઓ મોબાઈલ ફોન, લેપટોપ અથવા ડેસ્કટોપના માધ્યમથી આ પરીક્ષા આપી શકશે.