છેતરપિંડી:પોપ્યુલર ગ્રૂપ સામે જમીન પચાવવા મુદ્દે વધુ એક અરજી

પોપ્યુલર બિલ્ડર્સ સામે જમીન પચાવી પડવાની વધુ એક અરજી આનંદનગર પોલીસ સ્ટેશનમાં થઈ છે, જેમાં પોપ્યુલર ગ્રૂપના પ્રથમેશ અને વિક્રમ પટેલે સસ્તામાં જમીન વેચવાનું કહી પૈસા લઈ દસ્તાવેજ નહિ કરી અપહરણ કરી ગોંધી રાખી છેતરપિંડી કર્યાંનો આક્ષેપ કરાયો છે.

બાવળામાં રહેતા અને જમીન દલાલી કરતા ભરત અલગોતરે આનંદનગર પોલીસને કરેલી અરજીના અનુસાર, પોપ્યુલર ગ્રૂપના વિક્રમ છગનભાઈ પટેલ અને પ્રથમેશ પટેલે તેમની સાણંદ તાલુકાના ગોધાવી નજીક આવેલી જમીન વેચવાનું કહી તેમની પાસેથી 30 લાખ લીધા હતા ત્યારબાદ આ જમીનનો દસ્તાવેજ નહીં કરી તેમની સાથે છેતરપિંડી કરી હતી. જ્યારે ભરતભાઈએ પૈસા પાછા માગ્યા ત્યારે તેમનું અપહરણ કરી સિંધુ ભવન પાસે લઈ જવાયા હતા જ્યાં તેમને મારી 4 કલાક સુધી ગોંધી રાખી કોરા કાગળ ઉપર સહીઓ કરાવી લીધી હતી અને ધમકી આપી હતી.