બેદરકારી:ભદ્ર પાથરણાં બજારમાં ફરી એકવાર દિવાળી જેવી ભીડ જામતાં કોરોના વાઈરસને આમંત્રણ

શહેરમાં કોરોનાના કેસ માંડ કાબૂમાં આવ્યા છે. દિવાળીની ખરીદી માટે બજારોમાં ઊમટેલી ભીડને કારણે પરિસ્થિતિ વણસી હતી. હજુ પણ કોરોનાની કોઈ દવા કે રસી ન શોધાઈ હોવાથી માસ્ક અને સોશિયલ ડિસ્ટન્સ જ શ્રેષ્ઠ વિકલ્પ છે. પરંતુ સોમવારે ભદ્ર પાથરણાં બજારમાં ફરી એકવાર દિવાળી જેવી ભીડ જોવા મળી હતી. સંખ્યાબંધ લોકોએ માસ્ક પણ પહેર્યા ન હતા અને સોશિયલ ડિસ્ટન્સનું સહેજપણ પાલન ન થતાં વાઈરસને ફરી આમંત્રણ મળી શકે છે.