વિલંબથી શરૂઆત:પ્રથમ દિવસે સી-પ્લેનને બે ફેરામાં 32 પેસેન્જર મળ્યા, રિવરફ્રન્ટથી સવારે 11ને બદલે 12.30 ફ્લાઈટ ઉપડી

લગભગ એક મહિનાથી બંધ સી-પ્લેન સેવા બુધવારથી શરૂ થઈ છે. રિવરફ્રન્ટથી કેવડિયા વચ્ચે સી-પ્લેને બીજા તબક્કામાં પહેલા દિવસે બે ફેરા કર્યા હોવાનું એરલાઈન્સના અધિકારીએ જણાવ્યું હતું. લગભગ 60 ટકા એટલે કે 30થી 32 પેસેન્જરો સાથે ઓપરેટ થયેલ સી પ્લેન સવારે નક્કી સમય કરતાં રિવરફ્રન્ટથી દોઢ કલાક મોડું કેવડિયા જવા રવાના થયું હતું. જેથી બંને ફેરામાં દોઢ કલાકનો વિલંબ થયો હતો.

સી પ્લેનના સંચાલન વિશે સ્પાઈસ જેટના અધિકારીએ જણાવ્યું કે, હવેથી દરરોજ સી-પ્લેનના રેગ્યુલર બે ફેરા કરાશે. તેની સાથે જ હવે કોઈ પણ પેસેન્જર ટિકિટનું ઓનલાઈન બુકિંગ કરાવી શકે છે. સી-પ્લેનમાં જગ્યા ખાલી હશે તો એરોડ્રામ ખાતેથી પણ ટિકિટ મળશે.