ધરમનો ભાઈ નરાધમ નીકળ્યો:અમદાવાદના અમરાઈવાડીમાં મામાએ પોર્ન વિડિયો બતાવી સાત વર્ષની ભાણી સાથે દૂષ્કર્મ આચર્યું

અમદાવાદ13 દિવસ પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • ઘરે કોઈ ના હોય ત્યારે ભાણીને બિભત્સ વીડિયો દેખાડી શારીરિક અડપલાં કરતો

અમદાવાદના અમરાઇવાડીમાં ધરમનો ભાઇ પોર્ન વિડિયો બતાવીને ભાણી સાથે શારીરિક છેડછાડ કરતો હતો. એટલું જ નહી સગીરાને ધાક ધમકી આપીને તેની સાથે દૂષ્કર્મ આચર્યું હતું. આ બનાવ અંગે અમરાઇવાડી પોલીસે પડોશમાં રહેતા આરોપીની ધરપકડ કરી વધુ તપાસ હાથ ધરી છે.

પોર્ન વીડિયો બતાવીને શારિરીક છેડછાડ કરતો
આ કેસની વિગત એવી છે કે અમરાઇવાડી વિસ્તારમાં મહારાષ્ટ્રની મહિલા પતિ અને પોતાના ત્રણ સંતાનો સાથે રહેતી હતી. પતિ-પત્ની બન્ને છૂટક મજૂરી કરીને પરિવારનું ગુજરાન ચલાવતા હતા. થોડા સમય પહેલા તેમના પડોશમાં દિપક પ્રજાપતિ નામનો યુવક રહેવા આવ્યો હતો. મહિલા સાથે સારુ બનતું હોવાથી બહેને તેને ધરમનો ભાઇ બનાવ્યો હતો. બાદમાં બન્ને વચ્ચે પારિવારીક સબંધો કેળવાયા હતા.આરોપી દિપક પ્રજાપતિ ધર્મની બહેન અને તેનો પતિ મજૂરી કામે જતા હતા ત્યારે તેમના ઘરે જતો હતો અને સાત વર્ષની ભાણીને પોર્ન વીડિયો બતાવીને શારિરીક છેડછાડ કરતો હતો.

મહિલાએ અમરાઈવાડી પોલીસ સ્ટેશનમાં ફરિયાદ નોંધાવી ( ફાઈલ ફોટો)
મહિલાએ અમરાઈવાડી પોલીસ સ્ટેશનમાં ફરિયાદ નોંધાવી ( ફાઈલ ફોટો)

પોલીસે ધરપકડ કરી વધુ તપાસ હાથ ધરી
બે દિવસ પહેલા સગીર ભાણીને પોર્ન વિડિયો દેખાડયા પછી તેણીની સાથે દૂષ્કર્મ આચર્યું હતું, જો કે સગીરા એકલી ઘરમાં સૂનમૂન રહેતી હતી અને ડરી જવાને કારણે રડતી હતી.જેથી માતાએ તેને વિશ્વાસમાં લઇને પૂછપરછ કરતા ધર્મના ભાઇએ તેની સાથે દૂષ્કર્મ કર્યુ હોવાની વાત કરતાં માતાએ દિપક પ્રજાપતિ સામે અમરાઇવાડી પાલીસ સ્ટેશનમાં ફરિયાદ કરતાં પોલીસે તેની સામે છેડતી અને પાક્સો કલમ હેઠળ ગુનો નોંધીને તેની ધરપકડ કરી વધુ તપાસ હાથ ધરી છે.

અન્ય સમાચારો પણ છે...