આયોજન:નિકોલમાં મેગા પ્રોપર્ટી એક્સ્પોની 30 હજારથી વધુએ મુલાકાત લીધી, પહેલીવાર મોટી સંખ્યામાં ઓન ધ સ્પોટ બુકિંગ થયું

અમદાવાદ22 દિવસ પહેલા
  • કૉપી લિંક
પ્રોપર્ટી એક્સ્પોમાં સવારે 10 વાગ્યે એક્સ્પો શરૂ થાય તે પહેલાં જ રજિસ્ટ્રેશન માટે લાઇન લાગી હતી. દિવસ દરમિયાન લોકોની અવરજવર રહી હતી. - Divya Bhaskar
પ્રોપર્ટી એક્સ્પોમાં સવારે 10 વાગ્યે એક્સ્પો શરૂ થાય તે પહેલાં જ રજિસ્ટ્રેશન માટે લાઇન લાગી હતી. દિવસ દરમિયાન લોકોની અવરજવર રહી હતી.
  • અમદાવાદ બિલ્ડર્સ એસો. અને ‘દિવ્ય ભાસ્કર’ના સંયુક્ત ઉપક્રમે આયોજિત મેગા પ્રોપર્ટી એક્સ્પોના છેલ્લા દિવસે પણ ભવ્ય પ્રતિસાદ

નિકોલમાં અમદાવાદ બિલ્ડર્સ એસોસિએશન અને દિવ્ય ભાસ્કરના સંયુક્ત ઉપક્રમે યોજાયેલા ભવ્ય મેગા પ્રોપર્ટી એક્સ્પોના અંતિમ દિવસે સવારે 10 વાગે એક્સ્પો શરૂ થાય તે પહેલા જ રજિસ્ટ્રેશન માટે કાઉન્ટર પર લાઇનો લાગી હતી. દિવસ દરમિયાન એક્સ્પોમાં સતત લોકોની અવરજવર રહી હતી. પહેલી વાર કોઈ એક્સ્પોમાં મોટી સંખ્યામાં ઓન ધ સ્પોટ બુકિંગ નોંધાયાં હતાં.

કોરોના મહામારી બાદ હવે ગીચ વસતીમાં રહેતા લોકો નાનાં મકાનોમાં રહેતા લોકો મોટી સંખ્યામાં ખુલ્લા વિસ્તારો અને મોટા મકાનો તરફ વળી રહ્યા છે, જેના પગલે ફ્લેટ સહિત મોટાં મકાનો તેમ જ એફોર્ડેબલ ફાર્મ હાઉસની ડિમાન્ડ વધી રહી છે ત્યારે નિકોલમાં યોજાયેલા મેગા પ્રોપર્ટી એક્સ્પોમાં પ્રોપર્ટી તથા મકાનોનું બુકિંગ થયું હતું. એ જ રીતે અનેક લોકોએ મકાનની પસંદગી કરી છે, પરંતુ તેનું બુકિંગ નવરાત્રિ દરમિયાન કરાવવાનું આશ્વાસન આપતા એક્સ્પોમાં ભાગ લઈ રહેલા રિઅલ એસ્ટેટ સાથે જોડાયેલા ઉદ્યોગપતિઓમાં ઉત્સાહ જોવા મળ્યો હતો.

પોતાનું ઘરનું ઘર વસાવવા માગતા લોકોને એક જ સ્થળે ફ્લેટ, ટેનામેન્ટ, કોમર્શિયલ ઓફિસ, કોમ્પલેક્સ, ફાર્મ હાઉસ સહિત અન્ય પ્રકારનાં બાંધકામની માહિતી મળવાની સાથે પસંદગીની તક મળી રહે તે માટે બિલ્ડર એસોસિએશન દ્વારા યોજાયેલા આ એક્સ્પોને ભવ્ય પ્રતિસાદ મળ્યો છે. પહેલા દિવસે એક્સપોમાં 5 હજારથી વધુ, બીજા દિવસે 8500થી વધું લોકોનો ધસારો રહ્યા બાદ ત્રીજા અને અંતિમ દિવસે રવિવાર હોવાથી સવારથી જ મકાન લેવા માગતા લોકો તમામ સ્ટોલ પર સવારથી જ પૂછપરછ કરતા જોવા મળ્યા હતા. એટલું જ નહીં પણ સતત ભીડ વધુ હોવાને કારણે એક્સ્પોને સાંજે 7 વાગ્યા પછી પણ ચાલુ રાખવાની આયોજકોને ફરજ પડી હતી.

ત્રણ દિવસ દરમિયાન 31,500 જેટલા લોકોએ એક્સ્પોની મુલાકાત લીધી હતી. અંતિમ દિવસે પણ આ એક્સ્પોમાં પૂર્વની સાથે પશ્ચિમ વિસ્તારના લોકો પણ મકાનોની પૂછપરછ માટે આવતા હોવાનું જોવા મળ્યું હતું. ઉલ્લેખનીય છે કે આ એક્સ્પોમાં 30 જેટલા બિલ્ડર્સની વિવિધ સ્કીમોની માહિતી મેળવવાની સાથે સ્થળ પર જ લોકોને હોમ લોનની પણ માહિતી આપવામાં આવી હતી.

એક્સ્પોમાં થયેલા બુકિંગની વિગતો

2 બીએચકે32 યુનિટ
3 બીએચકે26 યુનિટ
4 બીએચકે7 યુનિટ
5 બીએચકે15 યુનિટ
કોમર્શિયલ37 હજાર ચો.ફુટ
ઈન્ડસ્ટ્રિયલ પ્લોટ10 યુનિટ

​​​​​​​

અન્ય સમાચારો પણ છે...