ચોર ઝડપાયા:મોબાઇલ ઝૂંટવતા, ઘરફોડ ચોરી કરનારા 2ની ધરપકડ

શહેર ક્રાઇમ બ્રાંચે વાહનચાલકોના ફોન ઝૂંટવનારા અને ઘરફોડમાં સંડોવાયેલા બેને ઝડપી પાડ્યા હતા.

પોલીસના જણાવ્યા અનુસાર, ક્રાઇમ બ્રાંચની ટીમે બાતમીના આધારે શાહઆલમ ટોલનાકા પાસેથી મહેબુબ ઉર્ફે નોની અજમેરી (ઉં.વ.52 અલ રહેમાની સોસાયટી, મુસ્કાન ગાર્ડન પાસે વેજલપુર)ને ઝડપી લીધો હતો. તેની પાસેથી પોલીસે રૂ.15 હજારની કિંમતનો ફોન કબજે કર્યો હતો. આરોપીએ કબૂલાત કરી હતી કે તેણે આ ફોન 8 નવેમ્બરે વિક્ટોરિયા ગાર્ડન પાસેથી બાઇક પર જતા યુવકના હાથમાંથી ઝૂંટવ્યો હતો.

આ દરમિયાન પોલીસની ટીમે બહેરામપુરાના મેલડી મંદિર પાસેથી આસિફ ઉર્ફે મામલે શેખ (ઉં.24, ન્યૂ શાહઆલમ સોસા., બેરલ માર્કેટ, દાણીલીમડા)ને એક ફોન સાથે ઝડપી લીધો હતો. આ અંગે તેણે કબૂલાત કરી હતી કે, તેણે આ ફોન જમાલપુર મુંડા દરવાજા પાસે ઘરફોડ ચોરી કરી મેળવેલ છે. આ બંને ગુના ગાયકવાડ હવેલી પોલીસમાં દાખલ થયા હતા, જેને ક્રાઈમ બ્રાંચે ડિટેક્ટ કર્યા છે.