તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

'શાહ'નો ગુજરાત પ્રવાસ:કેન્દ્રીય ગૃહમંત્રી અમિત શાહ 10મીથી 3 દિવસ અમદાવાદમાં, સાણંદ-બોપલમાં લોકાર્પણ કાર્યક્રમ બાદ રથયાત્રાની મંગળા આરતીમાં ભાગ લેશે

અમદાવાદ23 દિવસ પહેલા
  • કૉપી લિંક
અમિત શાહની ફાઈલ તસવીર - Divya Bhaskar
અમિત શાહની ફાઈલ તસવીર
  • 10 જુલાઈએ સાંજે ગૃહમંત્રી અમદાવાદ પહોંચશે
  • 12મી જુલાઈએ પરિવાર સાથે જગન્નાથ મંદિરમાં મંગળા આરતીમાં ભાગ લેશે

અમદાવાદમાં શહેરમાં કોરોનાના કારણે ગત વર્ષે ન નીકળી શકેલી રથયાત્રા આ વર્ષે નીકળશે કે કેમ તેનો નિર્ણય હજુ સુધી લેવાયો નથી. ત્યારે કેન્દ્રીય ગૃહ મંત્રી અમિત શાહ 10મી જુલાઈએ અમદાવાદ આવશે. 11મી તારીખે તેઓ શહેરમાં કેટલાક લોકાર્પણના કાર્યક્રમોમાં હાજરી આપશે. અષાઢી બીજના દિવસે દરવર્ષની જેમ આ વર્ષે પણ તેઓ જગન્નાથ મંદિરમાં રથયાત્રા પેહલાની મંગળા આરતીમાં પરિવાર સાથે ભાગ લેશે.

અમદાવાદમાં ગૃહમંત્રીનો કાર્યક્રમ ​​​​​
કેન્દ્રીય ગૃહમંત્રી અમિત શાહ 10મી જુલાઈએ સાંજે અમદાવાદ પહોંચશે. આ બાદ 11મી જુલાઈએ તેઓ સાણંદ APMC ખાતે લોકાર્પણ અને ખાત મુહૂર્ત કાર્યક્રમમાં આપશે હાજરી. સાથે જ તેઓ સાઉથ બોપલમાં સિવિક સેન્ટરનું કરશે લોકાર્પણ. આ બાદ 12મી જુલાઈએ ગૃહમંત્રી સવારે જગન્નાથજી મંદિરમાં રથયાત્રા પહેલાની મંગળા આરતીમાં ઉપસ્થિત રહેશે.

જગન્નાથ મંદિરમાં ઉપસ્થિત ગૃહમંત્રીની ફાઈલ તસવીર
જગન્નાથ મંદિરમાં ઉપસ્થિત ગૃહમંત્રીની ફાઈલ તસવીર

ગૃહમંત્રીની એક મહિનામાં બીજી ગુજરાત મુલાકાત
નોંધનીય છે કે આ પહેલા 20મી જૂને કેન્દ્રિય ગૃહમંત્રી અમિત શાહ અમદાવાદની મુલાકાતે હતા. તેમણે અમદાવાદમાં સરખેજ-ગાંધીનગર હાઇવે ઉપર અંદાજે રૂ.80 કરોડથી વધુના ખર્ચે તૈયાર થયેલા ત્રણ ઓવર બ્રિજ વૈષ્ણોદેવી ફ્લાયઓવર બ્રિજ, ખોડીયાર કન્ટેનર યાર્ડ ફ્લાયઓવર બ્રિજ અને છત્રાલ-પાનસર રોડ ખાતે રેલવે ઓવર બ્રિજનું આજે લોકાર્પણ કરવામાં આવ્યું હતું.

રથયાત્રાના રૂટ પર આ વર્ષે વધુ બંદોબસ્ત
ભગવાન જગન્નાથની 144મી રથયાત્રા યોજવા મામલે જમાલપુર મંદિર અને પોલીસ દ્વારા સમગ્ર તૈયારીઓ કરવામાં આવી રહી છે. પોલીસ સૂત્રોમાંથી મળતી માહિતી મુજબ રથયાત્રામાં પોલીસ તરફથી દર વર્ષે જે રીતે પોલીસ બંદોબસ્ત રાખવામાં આવે છે તેના કરતાં અલગ પોલીસ બંદોબસ્ત રાખવામાં આવશે. રથયાત્રાના રૂટ પર અંદર આવવાના રસ્તાઓને લોક કરવામાં આવશે. રૂટ પર આવવાના રસ્તાઓ પર વધુ બંદોબસ્ત રાખવામાં આવશે.