પ્રવેશ પ્રકિયા:ફર્સ્ટ બીકોમમાં મેરિટ 3થી 5 ટકા સુધી ઊંચું જવા શક્યતા, ઊંચા પરિણામ છતાં 5 હજાર બેઠકો ખાલી રહેવાની ધારણા

ધોરણ 12 કોમર્સના રેકોર્ડ બ્રેક પરિણામના કારણે પ્રથમ વર્ષ કોમર્સની તમામ કોલેજોમાં એકંદરે પ્રવેશ મેરિટ ત્રણથી પાંચ ટકા જેટલુ ઊંચુ જશે. જ્યારે અમદાવાદ અને ગાંધીનગરની અગ્રણી કોલેેજોમાં પ્રવેશ મેરિટ પાંચથી ટકાથી વધુ ઊંચું જવાનો મત પ્રવેશ કમિટીના સૂત્રોએ વ્યક્ત કર્યો છે. પરિણામ ઊંચું આવ્યું હોવા છતાં પ્રથમ વર્ષ કોમર્સની 5 હજારથી વધુ બેઠકો ખાલી રહેવાની શક્યતા શિક્ષણ નિષ્ણાતોએ વ્યક્ત કરી છે.

વિવિધ બ્રાંચમાં અંદાજે 34 હજારથી વધુ બેઠક છે

​​​​​​​1064 સ્કૂલનું 100 ટકા રિઝલ્ટ આવ્યું
​​​​​​​ ધો 12 સામાન્ય પ્રવાહનુ સૌથી ઊંચુ પરિણામ જાહેર કરાયું છે. ગત માર્ચ 2020ના 76.29 ટકા પરિણામ કરતાં 10.62 વધુ પરિણામ આવ્યુ છે. કોરોનાની અસરથી બોર્ડના પ્રશ્ન પસંદગીમાં જનરલ ઓપ્શન હતા. તમામ વિષયોમાં 30 ગુણના હેતુલક્ષી પ્રશ્નો અપાયા હતા.કુલ 2544 જેટલા ગેરરીતિના કેસો થયેલા છે. 100 ટકા પરિણામ ધરાવતી સ્કૂલોની સંખ્યા 1064 છે, જે 2020ના પરિણામમાં 269ની હતી. - ડો. અવનિબા મોરી, નાયબ નિયામક પરીક્ષા, ગુજરાત માધ્યમિક-ઉ.માધ્યમિક બોર્ડ