તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

અમદાવાદ:મેયર બીજલ પટેલે PPE કીટ દાનમાં સ્વીકારતો ફોટો પડાવતા માસ્ક ન પહેર્યું, સોશિયલ મીડિયામાં લોકોએ મજાક ઉડાડતા ખુલાસો કર્યો

અમદાવાદએક વર્ષ પહેલા
  • કૉપી લિંક
  • કેન્દ્ર અને રાજ્ય સરકારના ગાઈડલાઈનના ભંગ બદલ શુ AMC મેયર પાસેથી દંડ વસૂલ કરશે ?

કોરોના વાઇરસની મહામારીને લઇ  કેન્દ્ર સરકાર અને રાજ્ય સરકાર દ્વારા ગાઈડલાઈન બહાર પાડવામાં આવી છે. નાગરિકોને ગાઈડલાઈનને પાલન કરવાનું કહેતા પહેલા શહેરના પ્રથમ નાગરિકે પાલન કરવાનું હોય છે પરંતુ અમદાવાદ શહેરના પ્રથમ નાગરિક એવા મેયર બીજલ પટેલે જ ગાઈડલાઈનનો ભંગ કર્યો છે. એસ.બી.આઇ લાઇફ ઇન્સ્યુરન્સ દ્વારા અમદાવાદ મ્યુનિસિપલ કોર્પોરેશનને 5000 PPE કીટ દાન કરવામાં આવી હતી. જેનો ફોટો પડાવતા સમયે તમામ લોકોએ ગાઈડલાઈન મુજબ મોંઢે માસ્ક પહેર્યા હતા પરંતુ મેયરે માસ્ક પહેર્યું ન હતું. પાંચ વ્યક્તિઓ સાથે ઊભા રહી ફોટો પડાવતી વખતે માસ્ક પહેરવું જોઈએ તેની જગ્યાએ તેઓ વગર માસ્કે ફોટો પડાવ્યો હતો. જોકે મેયરે ટ્વિટ કરીને ખુલાસો કર્યો હતો અને પોતાના સ્વાસ્થ્યની કામના કરનારનો આભાર માન્યો હતો. જો કે તે ટ્વિટમાં પણ લોકોએ ચાબખા માર્યા હતા

માસ્ક પહેર્યા વગર મેયર દેખાડા કરતા હોવાનો લોકોનો આરોપ
મેયર દ્વારા આ રીતે માસ્ક પહેર્યા વગર ફોટો પડાવતા શું અમદાવાદ મ્યુનિસિપલ કોર્પોરેશન દ્વારા તેમની પાસેથી ગાઈડલાઈનના ભંગ બદલ દંડ વસુલવામાં આવશે? કે મેયર એક જવાબદાર નાગરિક તરીકે સામેથી જ દંડ ભરી દેશે. #HuPanCoronaWarrior અભિયાન અંતર્ગત "સેલ્ફી વિથ માસ્ક" માં હું પણ માસ્ક સાથે સેલ્ફી લઈને આ જનજાગૃતિ અને જનભાગીદારીના નવતર આયામમાં સહભાગી બની. આપ સૌને પણ નમ્ર અનુરોધ કરું છું કે આપ પણ જોડાવો. આવું ટ્વિટ કર્યું હતું પરંતુ પોતે જ માસ્ક પહેર્યા વગર બહાર દેખાતા માત્ર મેયરે દેખાડો કર્યો હોવાનું જણાય છે.

લોકોએ રમૂજી કોમેન્ટ કરી
અમદાવાદ મ્યુનિસિપલ કોર્પોરેશનના ટ્વિટર પર આ SBIના PPE કિટના દાનના ટ્વિટમાં લોકોએ મેયરના માસ્ક ન પહેરવા બદલ આલોચના અને મજાક ઉડાવી હતી. લોકોએ ખૂબ જ રમુજી કોમેન્ટ કરી પ્રથમ નાગરિકની હાંસી ઉડાવી હતી.

અન્ય સમાચારો પણ છે...