શિક્ષણ પર રાજકારણ:મેં ભાવનગરની સરકારી સ્કૂલો જોઈ તમે દિલ્હીની સરકારી સ્કૂલો જોવા પધારો,મુખ્યમંત્રી અને શિક્ષણ મંત્રીને મનિષ સિસોદિયાનો પત્ર

અમદાવાદએક મહિનો પહેલા
  • કૉપી લિંક
મનિષ સિસોદિયાએ અમદાવાદમાં સોમવારે પ્રેસ કોન્ફરન્સ કરી હતી - Divya Bhaskar
મનિષ સિસોદિયાએ અમદાવાદમાં સોમવારે પ્રેસ કોન્ફરન્સ કરી હતી
  • 5 વર્ષમાં દિલ્હીમાં સરકારી સ્કૂલો બદલાઈ શકે, તો ભાજપ 27 વર્ષમાં ન કરી શકે?

આમ આદમી પાર્ટી(AAP)ના નેતા અને દિલ્હીના નાયબ મુખ્યમંત્રી મનીષ સિસોદિયાએ સોમવારે ભાવનગરની સરકારી સ્કૂલની મુલાકાત લીધા બાદ અમદાવાદમાં પ્રેસ કોન્ફરન્સ યોજી હતી. તેમણે કહ્યું કે, 27 વર્ષથી ગુજરાતમાં ભાજપ છે. ભાજપે સરકારી સ્કૂલ કેવી આપી એ જોવા ગુજરાત આવ્યો છું. જીતુભાઈએ અહંકારમાં કહ્યું હતું કે, ગુજરાતમાં સ્કૂલ સારી છે જેને સારી ના લાગે એ દિલ્હી જાય. આવા નિવેદન બાદ આજે ભાવનગરમાં બે સરકારી સ્કૂલમાં હું ગયો હતો. જ્યાં દરેક ખૂણામાં કરોળિયાની જાળ હતી, શિક્ષકો નહોતા. આજે તેમણે ટ્વિટર પર ટ્વિટ કરીને જીતુ વાઘાણીને દિલ્હીની સ્કૂલો જોવા માટે આવવાનું આમંત્રણ આપ્યું હતું.

મુખ્યમંત્રી-શિક્ષણમંત્રીને દિલ્હીની સ્કૂલો જોવા આમંત્રણ આપ્યું
હું ગુજરાતમાં શિક્ષણ મંત્રીના શહેરમાં સ્કૂલોમાં આવ્યો ત્યારે ભાજપે દિલ્લીમાં તેમના સાંસદ ઉતારી દીધા અને સ્કૂલોમાં મોકલ્યા. ક્યાંય તેઓને કરોળિયાના બાવા કે બોર્ડ નથી એવું નથી દેખાયું. દિલ્લીમાં આપની સરકારે 5 વર્ષમાં કર્યું અને 27 વર્ષમાં ગુજરાતમાં ભાજપે કઈ નથી કર્યું. દેશમાં શિક્ષણની વાત થઈ તેના પર હું ખુશ છું. હું દિલ્હીમાં શિક્ષણ મંત્રી અને મુખ્યમંત્રીને આવવા આમંત્રણ આપું છું. અનેક રાજ્યોના મુખ્યમંત્રી આવ્યા છે. આવો જોવો કેવી કામગીરી થાય છે. અમારું ગઠબંધન ગુજરાત સાથે છે. આમ આદમી સાથે અમે જોડાયેલા છીએ.

દિલ્હીના ડે. સીએમ મનિષ સિસોદિયાએ ભાવનગરની સરકારી સ્કૂલોની મુલાકાત લીધી હતી
દિલ્હીના ડે. સીએમ મનિષ સિસોદિયાએ ભાવનગરની સરકારી સ્કૂલોની મુલાકાત લીધી હતી

5 વર્ષમાં દિલ્હીમાં સરકારી સ્કૂલો બદલાઈ શકે, તો ભાજપ 27 વર્ષમાં ન કરી શકે?
તેમણે કહ્યું કે, 700 સ્કૂલોમાં 1 જ શિક્ષણ ભણાવે છે. સરકારી સ્કૂલો નહીં ભવિષ્યની આવી હાલત છે. સરકારી સ્કૂલોને સારી કરવી એ કઈ રોકેટ સાયન્સ નથી. 5 વર્ષમાં દિલ્હીમાં સરકારી સ્કૂલો બદલાઈ શકે છે, તો ભાજપ 27 વર્ષમાં ન કરી શકે? રોજ બાળકો ભણવા અને શિક્ષકો ભણાવવા આવે છે તો ત્યાં એવું ન લાગવું જોઈએ કે કોઈ કબાડખાનામાં આવી ગયા. આજે સરકારી સ્કૂલમાં બાળકોને એવું લાગતું હશે કે અમે થોડું દેશનું ભવિષ્ય છીએ. દેશનું ભવિષ્ય તો જીતુભાઈની શાળામાં ભણે છે. 27 વર્ષથી ભાજપ શુ કરે છે?

શિક્ષકો અને વિદ્યાર્થીઓ સાથે તેમણે ચર્ચાઓ પણ કરી હતી
શિક્ષકો અને વિદ્યાર્થીઓ સાથે તેમણે ચર્ચાઓ પણ કરી હતી

'શિક્ષકોને 1-1 મહિનાના પગાર પર રખાયા છે'
તેમણે આગળ કહ્યું, જીતુભાઈના આવા નિવેદન બાદ આજે ભાવનગરમાં બે સરકારી સ્કૂલોમાં હું ગયો હતો. ત્યાં જોયું તો દિવાલો પર કરોળિયાની જાળી હતી, શિક્ષકો નહોતા, ગેલેરીથી ક્લાસરૂમ સુધી કોઈપણ ખૂણો એવો નહોતો જ્યાં કરોળિયાની જાળી ન હોય. જીતુભાઈ આવી સ્કૂલમાં વિદ્યાર્થીઓને ભણાવી રહ્યા છે. શિક્ષકોને એક-એક મહિનાના પગાર પર રખાયા છે. બાથરૂમની વ્યવસ્થા નહોતી. ખુદ શિક્ષણમંત્રીના વિસ્તારમાં આવી વ્યવસ્થા છે. મને આશ્ચર્ય થયું જ્યારે એક સરકારી શાળાના વાલીઓએ મને કહ્યું કે, આ સ્કૂલ બંધ થાય છે. વાલીઓએ મને કહ્યું કે, જીતુભાઈના પરિવારની પ્રાઈવેટ સ્કૂલ-કોલેજ છે જે ખૂબ સારી રીતે ચાલે છે, બસ સરકારી શાળા ચલાવવામાં જ ફેલ છે.

અન્ય સમાચારો પણ છે...