સુનાવણી:LRDમાં ફિઝિકલ માટે પૂરતો સમય ન આપતા થયેલી અરજી ફગાવાઈ

લોકરક્ષક દળની 2018ની ભરતીમાં ફિઝિકલ ટેસ્ટ માટે પૂરતો સમય ન અપાયો હોવાની રજૂઆત સાથે કરાયેલી અરજી હાઈકોર્ટે ફગાવી દીધી છે.

અરજીમાં રજૂઆત કરાઈ હતી કે, પ્રથમ બેચમાં ઉમેદવારોને ફિઝિકલ ટેસ્ટ માટે મહિનો અપાયો છે. જ્યારે બીજી બેચમાં ઉમેદવારોને માત્ર 4 દિવસ મળ્યા છે. તેનાથી પરીક્ષા માટે પૂરતો સમય મળતો નથી. યાદી બહાર પાડ્યાના પાંચ કે છ દિવસમાં ફિઝિકલ ટેસ્ટ લેવાતા 700 વિદ્યાર્થી પરીક્ષા આપી શક્યા ન હોવાની રજૂઆત કરાઈ હતી.