કારોનાનો કહેર:લોકડાઉનમાં પ્રજાની તો ઠીક ખુદ ભાજપના નેતાની પણ ધીરજ ખૂટી, વીડિયોના માધ્યમથી હૈયાવરાળ ઠાલવી

લોકડાઉનનો 3જો તબક્કો ચાલી રહ્યો છે. સામાન્ય પ્રજા તો અમદાવાદમાં છેલ્લા બુધવારે અચાનક સંપૂર્ણ લોકડાઉનનો આદેશ થતાં રોડ પર આવી ગયા હતા. ખરીદી માટે ઉમટેલા લોકોની વ્યથા તો દબાઈ ગઈ છે. પરંતું સત્તાધારી પક્ષ ભાજપ સાથે સંકળાયેલા નેતાઓ અને કાર્યકરો પણ હવે પોતાની હૈયાવરાળ કાઢી રહ્યા છે. ભાજપ સાથે ભાઈપુરા વોર્ડમાં 30 વર્ષથી સંકળાયેલા અનુસૂચિત જાતિના કોષાધ્યક્ષે પણ એક વીડિયોના માધ્યમથી ભાજપના નેતાઓને સત્યથી રૂબરૂ કરાવ્યા હતા.
ઘર ચલાવવામાં ફાંફા થતાં વીડિયો મારફત વ્યથા ઠાલવી
અમરાઈવાડી વિધાનસભા વિસ્તારમાં આવેલા ભાઈપુરા વોર્ડમાંથી અનુસુચિત જાતિના કોષાધ્યક્ષ કલાભાઈ વઢિયારી ભાજપમાં છેલ્લા 30 વર્ષથી વિવિધ વિવિધ હોદ્દા પર રહીને સેવા આપી ચુક્યા છે. હાલ લોકડાઉનને પગલે તેઓને અત્યારે ઘર ચલાવવામા ખુબ જ તકલીફ પડી રહી છે. જોકે, તેઓઓ સ્વમાનના ભોગે કોઇ જ વ્યક્તિ, સંસ્થા કે પક્ષ પાસે કોઇપણ પ્રકારની મદદ માંગી સકતા નથી. તેમની ધીરજનો અંત આવતા તેમણે વીડિયો મારફત પોતાની  હૈયાવરાળ ભાજપના નેતાઓને સત્યથી વાકેફ કરવા પોતાની વ્યથા ઠાલવી હતી.