બેદરકારીની લીલોતરી:ગંદા પાણીને શુદ્ધ કરવા વર્ષે 85 લાખનો ખર્ચ કરવા છતાં સાબરમતીમાં લીલના થર જામ્યા

અમદાવાદ12 દિવસ પહેલા
  • કૉપી લિંક
સાબરમતી નદી - Divya Bhaskar
સાબરમતી નદી

સાબરમતી રિવરફ્રન્ટ બન્યા બાદ ગંદા પાણીને શુદ્ધ કરવા માટે વર્ષે અંદાજે 85 લાખનો ખર્ચ થઇ રહ્યો છે. કેન્દ્ર સરકારે પણ સાબરમતી નદીને શુદ્ધ કરવા માટે અગાઉ 480 કરોડ જેટલી માતબર રકમ ફાળવી હતી. તેને કારણે ભૂતકાળમાં સાબરમતીમાં ભરાયેલું પાણી ખાલી કરીને તેમાં સફાઇ કરવામાં આવી હતી. જો કે, માંડ થોડો સમય પસાર થાય છે ત્યાં નદીમાં લીલ અને જળકુંભી એ હદે છવાઈ જાય છે કે પાણી પણ જોઈ શકાતું નથી.

ચંદ્રનગર પાસેના આંબેડકર બ્રિજથી માંડી સુભાષબ્રિજ સુધીના રિવરફ્રન્ટ પર નદીનું પાણી ચોખ્ખું રાખવા લગભગ રોજે રોજ મશીનથી કચરો સાફ કરવામાં આવતો હોય છે. પરંતુ ઈન્દિરા બ્રિજ પાસે નદીમાં એ હદે લીલ જામી ગઈ છે કે, તેને દૂર કઈ રીતે કરવી તે પણ કોયડો બની જાય છે.

હાઈકોર્ટે પણ અનેક વખત સાબરમતી પ્રદૂષિત હોવાની ટકોર કરી મ્યુનિ.ને આડેહાથ લીધી હતી. હાઈકોર્ટે નદીમાં પ્રદૂષિત પાણી છોડતાં ઔદ્યોગિક એકમો સામે પણ કડક કાર્યવાહી કરી છે. કેટલીક સોસાયટીઓ પણ ગટરનું ગંદું પાણી સાબરમતીમાં છોડે છે.

અન્ય સમાચારો પણ છે...