નોટિસ:ભારતીય જીવન વીમા નિગમે સ્ટાફને ચૂંટણીની કામગીરીમાંથી બાકાત રાખવાની માંગ સાથે ગુજરાત હાઇકોર્ટમાં અરજી કરી

અમદાવાદ: ભારતીય જીવન વીમા નિગમે ગુજરાત હાઈકોર્ટમાં અરજી કરી છે. LIC ના સ્ટાફને ચૂંટણીની કામગીરીમાંથી બાકાત રાખવાની માંગણી કરવામાં આવી છે. એલ.આઇ.સીનો સ્ટાફને રેકવિઝીટ કરવાની રાજ્ય ચૂંટણીપંચને સત્તા નહીં હોવાની હાઇકોર્ટ સમક્ષ રજૂઆત કરવામાં આવી છે. ભારતના ચૂંટણી પંચ અને રાજ્ય ચૂંટણી પંચની સત્તાઓ અલગ-અલગ હોવાની રજૂઆત થઈ છે. રાજ્ય ચૂંટણીપંચ પાસે સત્તા જ ન હોય તેવા સંજોગોમાં એલ.આઇ.સીના સ્ટાફને ચૂંટણી કામગીરી માટે રોકી શકે નહીં તેવી માંગણી કરી હતી. આ બાબતે હાઈકોર્ટે રાજ્ય ચૂંટણી પંચને નોટિસ ઇશ્યૂ કરી છે. જેમા 18 ફેબ્રુઆરીના રોજ સુનાવણી હાથ ધરાશે.