આંદોલનની ચીમકી:પડતર પ્રશ્નો નહીં ઉકેલાય તો લેન્ડ લાઇસન્સ સર્વેયરો આંદોલન કરશે

અમદાવાદ શહેરના લેન્ડ લાઇસન્સ સર્વેયરોના પાંચ વર્ષના બાકી 50 લાખ સહિત રાજ્યના સર્વેયરોની અઢી કરોડની રકમ બાકી હોવા અંગે વખતોવખત રજૂઆત કરવામાં આવી હતી છતાં પરિણામ ન આવતા કામગીરી બંધ કરાઈ છે, જેની સામે સેટલમેન્ટ કમિશનર, જમીન દફતર નિયામકે લાઇસન્સ રદ કરવાની ધમકી આપતા વિવાદ ઘેરો બન્યો છે. 15 જાન્યુ.સુધીમાં પ્રશ્નો નહિ ઉકેલાય તો એસોસિએશને આંદોલનની ચીમકી ઉચ્ચારી છે.

ગુજરાત લેન્ડ સર્વે એસો. અમદાવાદના મહામંત્રી હરેશ કોઠારીએ કહ્યું કે, લાઇસન્સ સર્વેયરોની પ્રથા દાખલ કરાતા રોજગારી ઊભી થઈ હતી, પરંતુ આ યોજનાને સફળ બનાવવા માગતા નથી.