પાટીદાર MLAનું વર્ચસ્વ:ભાજપને આજે પણ કેશુભાઈ સરકારના મંત્રીઓનો સહારો, ત્રણ સભ્યો 27 વર્ષ બાદ પણ 2022ની ચૂંટણી લડશે

અમદાવાદ3 મહિનો પહેલા
  • કૉપી લિંક
જમણેથી કાંતિ અમૃતિયા, કેશુભાઈ નાકરાણી અને ચીમન સાપરીયા - Divya Bhaskar
જમણેથી કાંતિ અમૃતિયા, કેશુભાઈ નાકરાણી અને ચીમન સાપરીયા

ગુજરાત વિધાનસભાની ચૂંટણીમાં ઉમેદવારી ફોર્મ ભરાઈ ગયાં છે અને હવે કોણ પાછું ખેંચે છે તેના પર સૌની નજર છે. ત્યારે ભાજપે જે યાદી જાહેર કરી છે. આ યાદીમાં એવા ઉમેદવારો છે જે વર્ષોથી ભાજપ સાથે સંકળાયેલા છે. જેના પરિણામે તેમના વિસ્તારમાં નવા વિકલ્પની શોધ થઈ શકી નથી. 2022ની વિધાનસભાની ચૂંટણીમાં ભાજપના 182માંથી આઠ સભ્યો પૂર્વ મુખ્યમંત્રી કેશુભાઈ પટેલની સરકાર સમયથી આજે પણ કાર્યરત છે. ભાજપે કોઈપણ સંજોગોમાં તેમને 27 વર્ષ બાદ પણ રીપિટ કરવા પડ્યાં છે. એટલે એવુ કહી શકાય કે આજે પણ ભાજપ કેશુભાઈ પટેલની સરકારના મંત્રીઓના સહારે ચૂંટણી લડે છે.

કેશુભાઈ સરકારના મંત્રીઓ ભાજપને આજે પણ ફળ આપે છે
ભાજપની વર્તમાન સરકારે 2022ની ચૂંટણીમાં કેશુભાઈ પટેલ સરકારમાં વિજેતા બનેલા અને ધારાસભ્ય કે મંત્રી બનેલા ત્રણ પાટીદાર સમાજના ઉમેદવારને 27 વર્ષ બાદ પણ રીપીટ કર્યા છે. જેમાં કાંતિ અમૃતિયા, ચીમન સાપરિયા અને કેશુભાઈ નાકરાણીનો સમાવેશ થાય છે. આ એવા ઉમેદવાર છે કે જેઓ કેશુભાઈ પટેલની સરકારમાં વિજેતા બન્યા હતા અને હવે વર્ષ 2022ની ગુજરાત વિધાનસભા ચૂંટણીમાં ફરીથી એક વખત ભાજપના ઉમેદવાર બન્યા છે. ભાજપને અપેક્ષા એ છે કે આ ઉમેદવારો મારફતે ફરી એક વખત તેમના વર્ચસ્વ અને અનુભવને આધારે આ બેઠક પર ભગવો લહેરાશે.

1995માં અન્ય પક્ષના બે વિજેતા ઉમેદવારોને પણ ભાજપે આયાત કરવા પડ્યા
વર્ષ 1995માં ભાજપની સામે ચૂંટણી લડીને વિજેતા બન્યા હતા તેવા બે ધારાસભ્યો કે જેમાં જસદણ બેઠકના કુંવરજી બાવળીયા કે જેઓ કોંગ્રેસમાંથી વિજેતા બની ધારાસભ્ય બન્યા હતા. જ્યારે દ્વારકા બેઠક પર પબુભા માણેક કે જે અપક્ષમાંથી વિજેતા બની ધારાસભ્ય બન્યા હતા. આ બંને ઉમેદવારોને ભાજપે આયાત કર્યા છે અને હવે તેઓ વર્ષ 2022ની ચૂંટણીમાં ભાજપના મુરતિયા બન્યા છે.

1995માં ભાજપની ગુજરાતમાં પહેલી સરકાર બની તે સમયના ભાજપના વિજેતા ઉમેદવાર

બેઠકઉમેદવારનું નામ
લીંબડીકિરીટસિંહ રાણા
મોરબીકાંતિ અમૃતિયા
જામજોધપુરચીમન સાપરિયા
ભાણવડમુળુ બેરા
પોરબંદરબાબુ બોખીરિયા
સિહોરકેશુ નાકરાણી
ઉમરગામરમણલાલ પાટકર
ઈડરરમણલાલ વોરા

વર્ષ 2022ની વિધાનસભા ચૂંટણીમાં ભાજપના ઉમેદવાર

બેઠકઉમેદવાર
ગારીયાધારકેશુ નાકરાણી
જામજોધપુરચીમન સાપરિયા
મોરબીકાંતિ અમૃતિયા
ખંભાળીયામુળુ બેરા
લીંબડીકિરીટસિંહ રાણા
ઉમરગામરમણલાલ પાટકર
પોરબંદરબાબુ બોખિરિયા
ઈડરરમણલાલ વોરા
જસદણકુંવરજી બાવળીયા
દ્વારકાપબુભા માણેક

(નોંધ-વિધાનસભાની નવમી અને દસમી પરિચય પુસ્તિકા આધારે)

અન્ય સમાચારો પણ છે...