તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

સુઓમોટોમાં વધુ 1 અરજી:કોરોનાની સારવાર લેતા દર્દીઓ માટે સ્ક્રીન, ફોનની વ્યવસ્થા કરવા રજૂઆત; રેલવેમાં નવા કોવિડ સેન્ટર ઉભા કરવા સૂચન

અમદાવાદ3 મહિનો પહેલા
  • કૉપી લિંક

કોરોના મામલે થયેલી સુઓમોટો અરજીમાં જોડાવા વધુ એક અરજી કરાઇ છે. જેમા મહામારીને નિયત્રંણમાં લેવાના અનેક સૂચનો કરાયા છે. કોરોનાની પ્રથમ લહેર વખતે રેલ્વેના કોચમાં વોર્ડ બનાવાય હતા તેની સંખ્યા વધારવાનું સૂચન કરવામાં આવ્યું છે. તમામ સરકારી હોસ્પિટલોમાં આઇસીયુમાં સારવાર લઇ રહેલા દર્દીઓને તેમના સગા સાથે વાત થઇ શકે તે માટે સ્ક્રિન અને ફોનની વ્યવસ્થા થવી જોઇએ, જેનાથી દર્દીઓને તેમના સ્વજનને જોઇને માનસિક બળ મળે છે અને વધુ દર્દીઓ સાજા થઇ શકે છે. હોસ્પિટલમાં રહેલા દર્દીઓ અને તેના સગાની માનસિક સ્થિતિ ચિંતાજનક હોય છે.

આ અરજી કરનાર એડવોકેટ નિમિષ કાપડિયાએ એવી પણ રજૂઆત કરી છે કે, હાલ માત્ર 19 રેલ્વે કોચમાં કોવિડ કેર સેન્ટર બનાવ્યા છે. પરતું અન્ય તાલુકામાં પણ આવા રેલ્વે કોચમાં કોવિડ સેન્ટર બનાવવા જોઇએ. રેમડેસિવિર અને ટોસિલીઝૂમેબ જેવી દવાઓથી દર્દીઓની રોગપ્રતિકારક શકિત ઘટે છે. તેની સામે આયુર્વેદિક દવાઓ સસ્તી અને વધુ અસરકારક છે તેનો ઉપયોગ કરવા સૂચન કરવામાં આવ્યંુ છે. જે નાગરિકો કોરોના નેગેટિવ આવી ગયા હોય અને તેમને સેવા કરવાની ઇચ્છા હોય તો તેવા નાગરિકોને કોવિડ સેન્ટરમાં સેવા માટે બોલાવવા સરકારે જાહેરાત કરવી જોઇએ, જેથી નર્સ અને અન્ય સ્ટાફની અછતને પણ પૂર્ણ કરી શકાય.

અન્ય સમાચારો પણ છે...