કોરોના રસીકરણ અભિયાન:ગુજરાતમાં 11 દિવસમાં 20 લાખ બાળકોને રસી અપાઈ, 15 લાખ કિશોરોને રસી બાકી

અમદાવાદ4 મહિનો પહેલા
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • રાજ્યમાં 4.39 કરોડ લોકોને રસીના બન્ને ડોઝ આપી દેવાયા

રાજ્યમાં કુલ રસીકરણ 9.44 કરોડ થઇ ગયું છે. જેમાંથી 5 કરોડને પહેલો ડોઝ, 4.39 કરોડને બીજો ડોઝ જ્યારે 4.50 લાખને પ્રીકોશનરી ડોઝ અપાયો છે. 5 કરોડ પહેલા ડોઝમાંથી 20 લાખથી વધારે રસીના પહેલા ડોઝ 15થી 18 વર્ષની વયજૂથના કિશોરોને આપવામાં આવ્યો છે. રાજ્યમાં હજુ પણ 13 લાખ લોકો એવા છે જેમણે રસીનો એક પણ ડોઝ લીધો નથી. રાજ્યમાં ગત 3જી જાન્યુઆરીએ 15થી 18 વર્ષ માટે ખાસ રસીકરણ અભિયાન હાથ ધરવામાં આવ્યું હતું.

સરકારના દાવા પ્રમાણે 3થી 9 જાન્યુઆરી એટલે કે 6 દિવસમાં અંદાજે 35 લાખ 15થી 18 વર્ષના કિશોરોને રસીનો પહેલો ડોઝ આપી દેવામાં આવશે. જોકે, 11 દિવસમાં અત્યાર સુધી 20 લાખ કિશોરોને પહેલો ડોઝ આપવામાં આવ્યો છે અને હજુ 15 લાખ કિશોરોને રસી આપવાની બાકી છે.

રોજના 6 લાખ કિશોરોને રસીકરણમાં આવરી લેવાના ટાર્ગેટ સામે સરેરાશ રોજ 2 લાખનું જ રસીકરણ થયું છે. ખાસ અભિયાનના પહેલા 2 દિવસમાં 11 લાખને રસી અપાઇ ગઇ હતી જેની સામે બીજા 9 દિવસમાં 9.25 લાખ બાળકોને જ રસી આપી શકાઇ છે. દેશમાં આ વયજૂથમાં રસીકરણનો આંકડો 3 કરોડને પાર થઇ ગયો છે. આ બાબતે ગુજરાતનો દેશમાં સાતમો ક્રમ છે. 3

કિશોરોને રસી આપવામાં ગુજરાત દેશમાં 7મા ક્રમે

રાજ્ય

15-18માં કુલ રસીકરણ

ઉત્તરપ્રદેશ41 લાખ
મધ્યપ્રદેશ27 લાખ
બિહાર24 લાખ
મહારાષ્ટ્ર23 લાખ
રાજસ્થાન23 લાખ
આંધ્રપ્રદેશ21 લાખ
ગુજરાત20 લાખ
ભારત3 કરોડથી વધુ

અમદાવાદ કોર્પોરેશનમાં 1.73 લાખ કિશોરોને રસી
અમદાવાદ મહાનગરપાલિકામાં 15થી 18 વયજૂથમાં અત્યાર સુધી 1.73 લાખ રસીકરણ થયું છે. વડોદારમાં 60 હજાર, સુરતમાં 1.47 લાખ, રાજકોટ પાલિકામાં 58 હજાર કિશોરોને રસી અપાઇ ચૂકી છે. મહેસાણામાં 74 હજાર, આણંદમાં 74 હજાર, બનાસકાંઠામાં 1 લાખ, દાહોદમાં 73 હજાર, સાબરકાંઠામાં 55 હજાર, કચ્છમાં 72 હજાર, વલસાડમાં 47 હજારને રસી આપવામાં આવી છે. ડાંગ જિલ્લામાં 11 હજાર કિશોરોને જ રસી અપાઇ છે. બોટાદમાં 22 હજાર, નર્મદામાં 19 હજાર, તાપી જિલ્લામાં 19 હજારને રસી આપવામાં આવી છે.

પહેલા બે દિવસ 5 લાખ રસીકરણ, હવે 50 હજારથી પણ ઓછા લોકોને રસી અપાઈ

તારીખ

15-18માં રસીકરણ

3 જાન્યુ.494317
4 જાન્યુ.578149
5 જાન્યુ.280767
6 જાન્યુ.265433
7 જાન્યુ.144793
તારીખ

15-18માં રસીકરણ

8 જાન્યુ.92581
9 જાન્યુ.17857
10 જાન્યુ.52256
11 જાન્યુ.41611
12 જાન્યુ.46650

​​​​​​​

અન્ય સમાચારો પણ છે...