ક્રાઇમ:અમદાવાદના શાહઆલમ વિસ્તારમાં અસામાજીક તત્વોએ રાત્રે બે ટુવ્હિલરમાં આગચંપી કરી, એક કારમાં તોડફોડ કરી

શહેરના શાહઆલમ વિસ્તારમાં અસામાજીક તત્વોએ રાત્રે બે ટુવ્હિલરમાં આગચંપી કરી એક કારમાં તોડફોડ કરતા તંગદિલી વ્યાપી હતી. આ સમગ્ર ઘટનાનો વીડિયો સોશિયલ મીડિયામાં વાયરલ થતાં પોલીસે બે આરોપીઓની ધરપકડ કરી છે તથા એકની શોધખોળ જારી છે.

પ્રાપ્ત માહિતી અનુસાર શહેરના શાહઆલ વિસ્તારમાં આવેલા પાનવાળી ચાલીમાં કેટલાક અસમાજીક તત્વોએ બે ટુવ્હિલરને આગ લગાવી હતી. તેમજ એક કારના દરવાજા અને બોનેટ સહિતના ભાગમાં તોડફોડ કરી હતી. આ મામલે ઇસનુપર પોલીસે આસીફ ઉર્ફે ગાંડી પઠાણ, વસીબ ઉર્ફે ગાંડી પઠાણની ધરપકડ કરી છે. જ્યારે રઉફ ઉર્ફે કાલીયા નામનાં આરોપીની શોધખોળ હાથ ધરાઇ છે.