હિટવેવ:અમદાવાદમાં 2 દિવસમાં ગરમીનો પારો 43 ડિગ્રીએ પહોંચવા વકી, ઉત્તર પશ્ચિમના ગરમ પવન સીધા ગુજરાત તરફ આવતા અસર

અમદાવાદ સહિત રાજ્યમાં ઉત્તર પશ્ચિમના ગરમ પવન રણ પ્રદેશ પરથી સીધા ગુજરાત તરફ આવતા હોવાથી હાલ હીટવેવની અસર વર્તાઈ રહી છે. હજુ આ હીટવેવની અસર આગામી 5 દિવસ સુધી રહેશે. અમદાવાદ સહિત રાજ્યમાં બે દિવસમાં ગરમીનો પારો 43ડિગ્રીએ પહોંચવાની વકી છે. સોમવારે અમદાવાદનું મહત્તમ તાપમાન રવિવાર જેટલું જ એટલે કે 41.3 ડિગ્રી નોંધાયું હતું.સોમવારે રાજ્યમાં સૌથી વધુ કંડલામાં 42.7 ડિગ્રી ગરમી નોંધાઈ હતી.

વૃદ્ધો, બાળકોને બહાર ન નીકળવા સલાહ
હીટવેવની સૌથી વધુ અસર ઉત્તર ગુજરાતના બનાસકાંઠા તેમજ સૌરાષ્ટ્રમાં રાજકોટ, પોરબંદર, ગીર સોમનાથ, અમરેલી, કચ્છમાં વર્તાય તેવી શક્યતા છે. આ સમય દરમિયાન કામ વગર લોકોને તેમાં પણ બાળકો વડીલો તેમજ બીમાર લોકોને બહાર ન નીકળવા હવામાન વિભાગે સલાહ આપી છે.