જીના ઇસી કા નામ હૈ:'સાહેબ, જે હતું એ વાવાઝોડું કાલે લઈ ગયું, પણ અમે ફરી મહેનત કરીશું', માથેથી છત છીનવાઈ તો સ્મશાન બહાર દીકરાનો બર્થ ડે ઊજવ્યો

અમદાવાદએક વર્ષ પહેલા
  • કોરોનાને કારણે દિવસ-રાત જ્યાં મૃતદેહ બળે છે ત્યાં ગરીબ પરિવાર જીવન જીવવાનો દાખલો આપે છે
  • થલતેજ સ્મશાનની બહાર રાતે ગરીબ લોકોએ થોડી ક્ષણો માટે ભેગા થઈને દીકરાના જન્મ દિવસનો આનંદ માણ્યો

લોકો પોતાની તકલીફો દુનિયામાં સૌથી વધુ છે એમ માનીને નિરાશા તરફ ધકેલાઈ જાય છે, પણ આપણી આસપાસ પણ એવા અનેક લોકો છે, જેમને માથે છત નથી તો રહેવા જે ઝૂંપડું હતું એ પણ વાવાઝોડાએ ઉજાડી દીધું છે. આ બધાની વચ્ચે તેમનો જીવન પ્રત્યેનો અભિગમ અને ચાહ લોકોને પ્રેરણા આપી જાય છે. થલતેજ સ્મશાનગૃહ પાસે રહેતા લોકો વાવાઝોડા બાદ રસ્તા પર છે, પણ તેમના એક બાળકનો જન્મદિવસ હતો અને કોઈ મોટા લોકોને પણ બે ઘડી વિચારતા કરી દે એ રીતે તેમણે ક્યાંકથી રૂપિયા ભેગા કર્યા અને બર્થ ડે કેક કાપી તેમજ ડાન્સ પણ કર્યો હતો.

સ્મશાનની બહાર આવેલી શિવજીની વિશાળ પ્રતિમાની બહાર કેટલાક લોકો મસ્તીમાં નાચી રહ્યા હતા.
સ્મશાનની બહાર આવેલી શિવજીની વિશાળ પ્રતિમાની બહાર કેટલાક લોકો મસ્તીમાં નાચી રહ્યા હતા.

પરિવારમાં 1 વર્ષના દીકરા યુવરાજનો બર્થ ડે ઊજવ્યો
બુધવારે રાતે થલતેજ સ્મશાનની બહાર આવેલી શિવજીની વિશાળ પ્રતિમાની બહાર કેટલાક લોકો મસ્તીમાં નાચી રહ્યા હતા. અહીં સ્ત્રી-પુરુષ બધાં હતાં. આ લોકોએ દિવ્ય ભાસ્કરને જણાવ્યું હતું કે અમારી પાસે તો કશું જ નથી સાહેબ, જે હતું એ વાવાઝોડું કાલે લઈ ગયું, પણ અમે ફરી મહેનત કરીશું. આજે અમારા પરિવારમાં 1 વર્ષના દીકરા યુવરાજનો બર્થ ડે છે. તેના માટે ક્યાંકથી વ્યવસ્થા કરીને કેક લાવ્યા છીએ.

ક્યાંકથી રૂપિયા ભેગા કર્યા અને બર્થ ડે કેક કાપી તથા ડાન્સ પણ કર્યો હતો.
ક્યાંકથી રૂપિયા ભેગા કર્યા અને બર્થ ડે કેક કાપી તથા ડાન્સ પણ કર્યો હતો.

વાવાઝોડું આવવાથી આ ગરીબોનાં ઝૂંપડાં ઊડી ગયાં
કોરોનાનીબીજી વેવ શરૂ થઈ ત્યારથી દરેક સ્મશાન 24 કલાક ચાલે છે. અનેક લોકોનાં મૃતદેહોને થલતેજ સ્મશાનગૃહમાં અંતિમવિધિ માટે લવાય છે. એક તરફ અહીંથી નીકળતાં પણ લોકો ફફડે છે, ત્યારે આ સ્મશાનની સામે જ અનેક ગરીબ લોકો કાચાં ઝૂંપડાંમાં રહે છે. તાઉ-તે વાવાઝોડું આવવાથી આ ગરીબ લોકોનાં ઝૂંપડાં ઊડી ગયાં, પોતાની પાસે કંઈ હતું તો નહીં, જે મળે એનાથી દિવસો ટૂંકા કરે છે. આ પરિવાર પણ પોતાના જીવન જીવવાનો અભિગમ ઊડીને આંખે વળગે એવો છે. ભલે ગરીબ છે, પણ તેમણે આ કપરી પરિસ્થિતિમાં પણ નાની ખુશી મેળવવા માટે પ્રયાસ કર્યો હતો.

તેમણે કપરી પરિસ્થિતિમાં પણ નાની ખુશી મેળવવા માટે પ્રયાસ કર્યો.
તેમણે કપરી પરિસ્થિતિમાં પણ નાની ખુશી મેળવવા માટે પ્રયાસ કર્યો.