દબાણ દૂર:જમાલપુરમાં આઠ માળનું ગેરકાયદે બિલ્ડિંગ તોડાયું, અનેક નોટિસ છતાં બાંધકામ ચાલુ રાખ્યું હતું

મ્યુનિ.એ જમાલપુરની મિર્ચી પોળમાં તાણી બંધાયેલું 8 માળનું ગેરકાયદે બાંધકામ પોલીસ બંદોબસ્ત સાથે તોડી પાડ્યું હતું. અનેક નોટિસ છતાં અહીં બાંધકામ ચાલુ રાખવામાં આવ્યું હતું.

સોમવારે મ્યુનિ.એ 8 બ્રેકર મશીન, 2 ગેસ કટર, ફાયર ટેન્ડર વાન તેમજ 60થી વધુ મજૂરોની મદદથી 8 માળનું ટાવર તોડી પાડ્યું હતું. ગેરકાયદે બાંધકામ સામે મ્યુનિ.એ આદરેલી ઝુંબેશ મંગળવારે પણ ચાલુ રહેશે. આ સિવાય દક્ષિણ ઝોનના સરખેજ વોર્ડમાં એક કારના શો-રૂમે બાંધેલું કોમર્શિયલ શેડ પ્રકારનું બાંધકામ પણ તોડી પાડી 3 હજાર ચોરસ ફૂટ જગ્યા ખુલ્લી કરવામાં આવી હતી.