તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

ગુડ મોર્નિંગ ગુજરાત:ભારે વરસાદની આગાહીથી ખેડૂતોમાં ચિંતા, ખેતીની જમીન પર સસ્તાં મકાનો બનાવવા બિલ્ડરોને છૂટ મળશે

અમદાવાદ2 દિવસ પહેલા

ચાલો જોઈએ આજની ગુજરાત મોર્નિંગ ન્યૂઝ બ્રીફ...

આજે ગુજરાતની આ 5 ઘટના પર રહેશે નજર

1) રાજ્યના અનેક વિસ્તારોમાં ભારે વરસાદની આગાહી, ખેડૂતોમાં ચિંતા
ગુજરાતમાં ચોમાસું વિદાય લેવાની તૈયારીમાં છે, ત્યારે આજે પણ સૌરાષ્ટ્ર અને દરિયા કિનારાના વિસ્તારોમાં ભારે વરસાદની આગાહી વ્યક્ત કરવામાં આવી છે. જેથી ખેડૂતો ચિંતામાં મૂકાયા છે. ખેતરમાં ખેડૂતોનો તૈયાર પાક પડ્યો છે એવામાં જો વરસાદ પડે તો ખેડૂતોને લાખોનું નુકસાન થવાની શક્યતા છે. તેમજ અમદાવાદ, આણંદ, અરવલ્લી, દાહોદ, ગાંધીનગર, ખેડા, મહિસાગર, પંચહાલમા હળવો વરસાદ વરસી શકે છે.

2) સુરતમાં મોટા કિરાણા સ્ટોર્સ અને લાર્જ ફોર્મેટ રિટેલ સ્ટોર ચાલુ રહેશે, મ્યુનિસિપલ કમિશનરે મંજૂરી આપી
સુરતમાં મોટા કિરાણા સ્ટોર્સ અને લાર્જ ફોર્મેટ રિટેઈલ સ્ટોર ખુલ્લા રાખી શકાશે. આ મોટા સ્ટોર્સના માલિકો દ્વારા ચેમ્બરને રજૂઆતો મળી હતી, જેને પગલે ચેમ્બરના પ્રમુખ દિનેશ નાવડિયાએ સુરત મહાનગરપાલિકાના મ્યુનિસિપલ કમિશનર બંછાનિધિ પાનીને રજૂઆત કરી હતી. આ રજૂઆતને ધ્યાનમાં લઈ મ્યુનિસિપલ કમિશનરે કોવિડ-19 અંતર્ગત સુરત મનપાએ જાહેર કરેલા સોશ્યલ ડિસ્ટન્સિગના નિયમોના પાલન સાથે મોટા કિરાણા સ્ટોર્સને રવિવારે ચાલુ રાખવાની પરવાનગી આપી છે.

3) આજે બીજું નોરતું, માતા બ્રહ્મચારિણીની પૂજા કરાશે
શારદીય નવરાત્રિના બીજા દિવસે માતા બ્રહ્મચારિણીની પૂજા કરવામાં આવે છે. દેવી બ્રહ્મચારિણી તપની શક્તિનું પ્રતીક છે. તેમની આરાધનાથી ભક્તમાં તપ કરવાની શક્તિ વધે છે. સાથે જ વિચારેલાં બધાં જ કામ પૂરા કરવાની પ્રેરણા મળે છે.

4) વિધાનસભાની પેટાચૂંટણીને લઈ ભાજના નેતાઓનો પ્રવાસ, સી.આર.પાટીલ કરજણમાં
વિધાનસભાની આઠ બેઠકોની પેટા ચૂંટણીના સંદર્ભમાં ભાજપ પ્રદેશ પ્રમુખ સી. આર. પાટીલ અને પ્રદેશ સંગઠન મહામંત્રી ભીખુભાઈ દલસાણીયા સહિત વિધાનસભા સીટના ઇન્ચાર્જ અને સહ ઇન્ચાર્જઓ સંગઠનાત્મક પ્રવાસ કરશે. આજે કરજણ ખાતે પ્રદેશ પ્રમુખ સી.આર. પાટીલ અને પ્રદેશ ઉપાધ્યક્ષ ભાર્ગવભાઈ ભટ્ટ ઉપસ્થિત રહેશે. જ્યારે મોરબી અને લીંબડી ખાતે પ્રદેશ સંગઠન મહામંત્રી ભીખુભાઈ દલસાણીયા તથા પૂર્વ મંત્રી શંકર ચૌધરી ઉપસ્થિત રહી ચૂંટણી વ્યવસ્થાપન અને સંગઠનાત્મક બાબતો અંગે માર્ગદર્શન આપશે.

5) કોરોનાને કારણે લોહીની અછત, સુરતના કતારગામ પોલીસ સ્ટેશન દ્વારા રક્તદાન કેમ્પનું આયોજન
હાલ કોરોના સંક્રમણ વચ્ચે બ્લડ બેંકમાં લોહીની અછત સર્જાઈ હોવાથી સુરતના કતારગામ પોલીસ સ્ટેશન દ્વારા રક્તદાન કેમ્પનું આયોજન કરવામાં આવ્યું છે.
કતારગામ પોલીસ સ્ટેશન અને ફ્રેન્ડ્સ ઓફ પોલીસ દ્વારા રક્તદાન કેમ્પનું આયોજન કરવામાં આવ્યું છે. સવારે 10 વાગ્યાથી 1 વાગ્યા સુધી રક્તદાન કેમ્પ યોજાશે.

હવે જોઈએ ગઈકાલના 5 ખાસ સમાચાર

1) ગુજરાતમાં ખેતીની જમીન ઉપર સસ્તાં મકાનો બનાવવા બિલ્ડરોને છૂટ અપાશે, મુખ્યમંત્રીની જાહેરાત
ગુજરાત સરકારે એફોર્ડેબલ હાઉસિંગ માટે ખેતીની જમીન સરળતાથી મળી રહે એ માટે કાયદામાં ફેરફાર કરવાની જાહેરાત કરી છે. ગાઈહેડ ક્રેડાઇના વર્ચ્યુઅલ પ્રોપર્ટી શોમાં મુખ્યમંત્રી રૂપાણીએ જણાવ્યું હતું કે, સમાન્ય માનવીનું ઘરના ઘરનું સપનું પાર પડે એ માટે ખેતીની જમીન કાયદા 63 AAA હેઠળ એફોર્ડેબલ હાઉસિંગ માટે સરકાર જમીનોની પરવાનગી આપશે. ત્રણ રૂમ રસોડાનાં મકાનો બાંધી શકાય એ હેતુસર 80 ચોરસમીટર બિલ્ટઅપ એરિયાના સ્થાને 90 ચોરસમીટર બિલ્ટઅપ યુનિટનો એફોર્ડેબલ હાઉસિંગમાં સમાવેશ કરાશે.
વાંચો સમાચાર વિગતવાર

કિર્તિદાન ગઢવી અને કિંજલ દવે - ફાઇલ તસવીર
કિર્તિદાન ગઢવી અને કિંજલ દવે - ફાઇલ તસવીર

2) કીર્તિદાનથી લઈ કિંજલ દવે સહિતનાં લોકગાયકોનો ઓનલાઇન રાસોત્સવ
કોરોનાની મહામારી વચ્ચે શક્તિ આરાધનાના પર્વ નવરાત્રિનો પ્રારંભ થઈ ગયો છે. કોરોના સંક્રમણ ન ફેલાઈ એ માટે સરકારે ગરબા પર સંપૂર્ણ પ્રતિબંધ મૂક્યો છે. ત્યારે ગુજરાતના જાણીતા ગાયક કલાકારો નવરાત્રિ પર્વની ઓનલાઈન ઉજવણી કરી રહ્યાં છે. આ વર્ષે કીર્તિદાન ગઢવી, ગીતા રબારી, આદિત્ય ગઢવી, ઓસમાણ મીર, રાજલ બારોટ અને કિંજલ દવે સહિતનાં ગાયકો ઓનલાઈન રાસોત્સવ કરાવી રહ્યાં છે. તેઓ યુટ્યૂબ અને ઈન્સ્ટાગ્રામ દ્વારા ગરબા લાઈવ કરી રહ્યાં છે.
વાંચો સમાચાર વિગતવાર

3) વડોદરામાં એક મહિનામાં 7મું દુષ્કર્મ, કરજણમાં 7 વર્ષની બાળકી સાથે અપહરણ બાદ દુષ્કર્મ
વડોદરાના કરજણ તાલુકાના સાંગાડોલ ગામમાં સાત વર્ષની બાળકીને ચોકલેટ આપવાની લાલચ આપી તેનું અપહરણ કરી યુવાને દુષ્કર્મ આચર્યું છે. ત્યાર બાદ પોલીસે ગણતરીના કલાકોમાં આરોપી યુવાનની ધરપકડ કરી કાર્યવાહી હાથ ધરી હતી. ઉલ્લેખનીય છે કે આ સાથે વડોદરા શહેર જિલ્લામાં છેલ્લા 1 મહિનામાં દુષ્કર્મની 7 ઘટના સામે આવી ચૂકી છે. જેમાં 4 બાળકી, એક વિદ્યાર્થિની, 4 યુવતી દુષ્કર્મનો ભોગ બની છે.
વાંચો સમાચાર વિગતવાર

4) સુરતની ખાનગી હોસ્પિટલમાં થયેલા મણકાના ઓપરેશન બાદ ડોક્ટર ગળાના ભાગે કપડું ભૂલી ગયા
સુરતની ખાનગી હોસ્પિટલમાં થયેલા મણકાના ઓપરેશન બાદ ડોકટર ગળાના ભાગે કપડું ભૂલી ગયા હતા. દશરથભાઈ શિવરાજભાઈ પટેલના મણકાના ઓપરેશનના 21 દિવસ બાદ CT સ્કેનમાં મણકાના સ્પેશિયાલિસ્ટ ડોક્ટરની બેદરકારી સામે આવી છે. ફરી સર્જરી કરી કપડું કાઢવામાં આવ્યું, એના દૃશ્યો LIVE વિડિયોમાં કેદ થયાં હતા. આ અંગે અઠવા પોલીસ સ્ટેશનના PSI DK રાઠોડે જણાવ્યું હતું કે, અરજી મળી છે પીડિત પરિવારના નિવેદન લેવાઈ ગયા છે. હોસ્પિટલના ડોક્ટરને નિવેદન માટે બોલાવાશે.
વાંચો સમાચાર વિગતવાર

5) વિધાનસભાની 8 બેઠકની પેટાચૂંટણીમાં કુલ 135 ઉમેદવારે ફોર્મ ભર્યાં, અપક્ષોનો રાફડો ફાટ્યો
ગુજરાત વિધાનસભાની 8 બેઠકની પેટાચૂંટણી માટે કુલ 135 ઉમેદવારી ફોર્મ ભરાયા છે. જેમાં 53 અપક્ષ ઉમેદવારે ફોર્મ ભર્યાં છે. 16 ઓક્ટેબરે એક જ દિવસમાં 71 ઉમેદવારે ફોર્મ ભર્યાં હતાં. હવે 19 ઓક્ટોબરે ઉમેદવારી ફોર્મ પાછા ખેંચી શકશે. ત્યાર બાદ ચૂંટણી મેદાનમાં કેટલા ઉમેદવારો છે તે અંગેનું ચિત્ર સ્પષ્ટ થશે.

વાંચો સમાચાર વિગતવાર

અને દેશમાં આજે...

1. રવિવારે ડબલ હેડર મુકાબલા. હૈદરાબાદ અને કોલકાતાનો મેચ અબુધાબીમાં બપોરે 3.30 વાગ્યે શરૂ થશે. તો, દુબઈમાં સાંજે 7.30 વાગ્યાથી મુંબઈ અને પંજાબ વચ્ચે ટક્કર.

2. દેશની પહેલી મોનોરેલ એટલે કે મુંબઈ મોનોરેલ 6 મહિના બાદ આજથી ફરી શરૂ થશે. જો, કે શરૂઆતમાં આ માત્ર ચેમ્બુર-વડાલા-જેકબ સર્કલ રૂટ પર જ ચાલશે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે પરિવાર સાથે કોઇ ધાર્મિક સ્થળ પર જવાનો પ્રોગ્રામ બની શકે છે. સાથે જ આરામમાં સમય પસાર થશે. બાળકોને કોઇ ઉપલબ્ધિ મળવાથી ઘરનું વાતાવરણ સારું જળવાશે. નેગેટિવઃ- આળસના કારણે થોડા કામ અધૂરા રહ...

વધુ વાંચો