તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

પ્રથમ ગ્રાસે મક્ષિકા:ગુજરાત યુનિ.ની ઓનલાઈન પરીક્ષા શરૂ થતા પહેલા જ 'વિધ્ન', મોક ટેસ્ટમાં ટેકનિકલ ખામીના કારણે પેપર 40 મિનિટ મોડું શરૂ થયું

અમદાવાદ2 મહિનો પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • બી.કોમની ઓનલાઈન મોક ટેસ્ટ 11 વાગ્યાને બદલે 11.40 કલાકે શરૂ થઇ.
  • વિદ્યાર્થીઓ 11 વાગ્યાથી પરીક્ષા આપવા લોગ ઇન કરીને પેપરની રાહ જોતા રહ્યા.

કોરોનાને કારણે ગુજરાત યુનિવર્સિટી દ્વારા ઓનલાઈન પરીક્ષા યોજવામાં આવી રહી છે. જેમાં બી.કોમ સેમેસ્ટર -1ના વિદ્યાર્થીઓની પરીક્ષા અગાઉ ઓનલાઈન મોક ટેસ્ટ યોજાઈ હતી. આજે 11 વાગે શરૂ થનારી મોક ટેસ્ટ માટે વિદ્યાર્થીઓએ લોગ ઇન કર્યું, પરંતુ ટેકનિકલ ખામીને કારણે 11.40 કલાક સુધી પરીક્ષા ના આપી શક્યા. પરિણામે મોક ટેસ્ટમાં જ પરીક્ષા 40 મિનિટ મોડી પરીક્ષા શરૂ થઈ શકી હતી.

મોક ટેસ્ટમાં જ 40 મિનિટ પરીક્ષા મોડી શરૂ થઈ
ગુજરાત યુનિવર્સિટીમાં ઓનલાઈન પરીક્ષા પસંદગી કરનાર બી.કોમ સેમેસ્ટર-1ના વિદ્યાર્થી ધવલ સોલંકીએ Divya Bhaskar સાથેની વાતચીતમાં જણાવ્યું હતું કે, આજથી મોક ટેસ્ટ શરૂ થઇ હતી. 11 વાગ્યાથી પરીક્ષા શરૂ થવાની હતી, માટે મેં લોગ ઇન કરી દીધું હતું. પરંતુ 11 વાગ્યા બાદ પણ પરીક્ષા શરૂ થઇ નહોતી. મને હતું કે મારા નેટમાં તકલીફ હશે. જેથી મેં અનેક વખત રીફ્રેશ કર્યું છતાં પરીક્ષા શરુ થઇ નહોતી. જે બાદ અન્ય મિત્રોને વાત કરતા તેમને પણ આ જ મુશ્કેલી હતી. અંતે 11.40 કલાકે પરીક્ષા શરૂ થઇ અને 12.40 સુધી ચાલી હતી.

પરીક્ષા સમયસર શરૂ ના થતા વિદ્યાર્થીઓ રાહ જોતા રહી ગયા
પરીક્ષા સમયસર શરૂ ના થતા વિદ્યાર્થીઓ રાહ જોતા રહી ગયા

લોગિન ન થતા વિદ્યાર્થીઓને મુશ્કેલી
બી.કોમ ઉપરાંત બી.એસ.સી સેમેસ્ટર -1 માં પણ કેટલાક વિદ્યાર્થીઓને આઈડી પાસવર્ડ ખોટા બતાવે છે. સાંજે 5 વાગે પરીક્ષા શરુ થવાની છે. પરંતુ તે અગાઉ જ કેટલાક વિદ્યાર્થીઓને લોગ ઇન થતું નથી. યુનિવર્સિટીની ઓનલાઈન પરીક્ષા દરમિયાન મોટા ભાગે નાના મોટા છબરડા થતા જ હોય છે જે પરંતુ વિદ્યાર્થી તરફથી કોઈ ભૂલ થાય ત્યારે તેને યોગ્ય જવાબ પણ આપવામાં આવતો નથી.

પ્રતિકાત્મક તસવીર
પ્રતિકાત્મક તસવીર

GTUની પણ ઓનલાઈન પરીક્ષા યોજાશે
રાજ્યમાં આવેલા ભયાનક તાઉ-તે વાવાઝોડાને કારણે અનેક જિલ્લાઓમાં વીજ પુરવઠો ખોરવાયો હતો. આ સમય દરમિયાન GTUની ઓનલાઈન પરીક્ષા ચાલી રહી હતી, જેમાં અનેક વિદ્યાર્થીઓએ ભાગ લીધો હતો. પરંતુ વાવાઝોડાને કારણે વીજ પુરવઠો ખોરવાતા ગ્રામ્ય વિસ્તારના વિદ્યાર્થીઓને પરીક્ષા આપવી મુશ્કેલ હતી. જેથી GTU દ્વારા પરીક્ષા મોકૂફ રાખવામાં આવી હતી.

પરંતુ હવે સ્થિતિ સામાન્ય બની ગઈ હોવાથી GTU દ્વારા પરીક્ષાની નવી તારીખ જાહેર કરવામાં આવી છે. જેમાં MBA અને MBA ઈન્ટરગ્રેટેડની સેમેસ્ટર 1 અને ME સેમેસ્ટર 1ની પરીક્ષા જે 24મેના રોજ યોજાવાની હતી તે હવે 3 જૂનથી ઓનલાઈન જ MCQ આધારિત જ યોજાશે.