તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

છબરડો:ગુજરાત યુનિવર્સિટીએ LLBનું પરિણામ જાહેર કર્યું, પરીક્ષામાં ગેરહાજર વિદ્યાર્થીને માર્કસ આપ્યા હોવાનું જણાતા વેબસાઈટ બંધ કરી દીધી

અમદાવાદ25 દિવસ પહેલા
  • કૉપી લિંક
ફાઈલ ફોટો - Divya Bhaskar
ફાઈલ ફોટો
  • LLBના પરિણામમાં સેમેસ્ટર 6નો વિદ્યાર્થી ગેરહાજર હોવા છતાં તેને માર્કસ આપવામાં આવ્યાં.
  • LLMની પરીક્ષા માટેની હોલ ટીકિટમાં નામ છોકરાનું અને ફોટો છોકરીનો છપાયો હતો

ગુજરાત યુનિવર્સિટી પરીક્ષા અને પરિણામ બાબતે અનેક વખત વિવાદોમાં સપડાઈ છે. મંગળવારે રાત્રે યુનિવર્સિટીએ LLB સેમેસ્ટર 4 અને 6નું પરિણામ જાહેર કર્યું હતું પરંતુ આ પરીક્ષામાં ગેરહાજર રહેલા વિદ્યાર્થીને પરિણામમાં માર્કસ આપવામાં આવ્યાં હતાં. આ મામલે યુનિવર્સિટીને જાણ થતાં જ તાત્કાલિક પરિણામની વેબસાઈટ બંધ કરી દેવામાં આવી હતી. જે હજુ સુધી ફરીવાર ચાલુ કરવામાં આવી નથી.

પરીક્ષા ના આપી હોય તેવા વિદ્યાર્થીઓને માર્કસ અપાયા
ગુજરાત યુનિવર્સિટીમાં LLB ની ઓનલાઇન અને ઓફલાઈન પરીક્ષા લેવામાં આવી હતી.1 મહિના અગાઉ લેવાયેલ પરીક્ષાનું મંગળવારે રાત્રે ઓનલાઇન પરિણામ જાહેર કરવામાં આવ્યું હતું.પરિણામ જાહેર થતાં કેટલાક વિદ્યાર્થીઓએ ઓનલાઇન પરિણામ જોયું હતું. જેમાંથી એક વિદ્યાર્થીએ પરીક્ષા આપી ના હોવા છતાં તેને માર્કસ આપવામાં આવ્યા હતા.આ અંગે ગુજરાત યુનિવર્સિટીને જાણ થતાં તાત્કાલિક પરિણામની સાઇટ બંધ કરવામાં આવી હતી જેથી અન્ય વિદ્યાર્થીઓ પરિણામ જોઈ શક્યા નથી.

એક સાથે 90 હજાર વિદ્યાર્થીઓએ પરિણામ જોતાં સર્વર ડાઉન થયું
આ મામલે લૉ ફેકલ્ટીના ડીન આર.વી.મહેતાએ જણાવ્યું હતું કે પરિણામમાં કોઈ છબરડો થયો નથી.વિદ્યાર્થીએ 2 વિષયની જર્નલમાં 100 માર્કસ મેળવ્યા હતા જ્યારે ત્રીજા વિષય ઓલટરનેટીવ ડીસ્પયુટ રિસોલ્યુનમાં જર્નલ 20 માર્કસની હતી. જેમાંથી તેને 11 માર્કસ મેળવ્યા છે તેના આધારે 100 માંથી 11 માર્કસ આપવામાં આવ્યા છે.વેબસાઈટમાં એક સાથે અલગ અલગ સ્ટ્રીમના 90 હજાર વિદ્યાર્થીઓએ સાથે પરિણામ જોવાનો પ્રયત્ન કરતા સર્વર ડાઉન થયું હતું જે હવે ચાલું થઈ ગયું છે.

મંગળવારે રાત્રે રિઝલ્ટ જાહેર કર્યું અને ભુલો સામે આવતાં વેબસાઈટ બંધ કરી દીધી
મંગળવારે રાત્રે રિઝલ્ટ જાહેર કર્યું અને ભુલો સામે આવતાં વેબસાઈટ બંધ કરી દીધી

ઓનલાઈન પરીક્ષા આપનાર વિદ્યાર્થીઓને ગેરહાજર બતાવ્યા હતાં
ગુજરાત યુનિવર્સિટીના પરીક્ષા વિભાગ દ્વારા અનેક ભૂલો થઈ રહી છે.એક વાર નહિ પરંતુ અનેક વાર નાની મોટી ભૂલો થઈ રહી છે જેનું પરિણામ વિદ્યાર્થીઓએ ભોગવવું પડી રહ્યું છે.અગાઉ ઓનલાઇન પરીક્ષામાં પણ પરીક્ષા આપ્યા છતાં વિદ્યાર્થી ગેરહાજર બતાવ્યા હતા. ત્યાર બાદ ઓફલાઈન પરીક્ષામાં પણ અગાઉના વર્ષનું પેપર આપવામાં આવ્યું હતું અને હવે પરિણામમાં ગેરહાજર વિદ્યાર્થીઓને પણ માર્કસ આપવામાં આવ્યા છે.

BAની સેમ - 6ની પરીક્ષામાં વિદ્યાર્થીઓને સેમ-5નું પેપર અપાયું
ગુજરાત યુનિવર્સિટીની બેદરકારી વધતી જઈ રહી છે. અગાઉ ઓનલાઇન પરીક્ષામાં તો છબરડા જોવા મળતા હતા હવે ઓફલાઈન પરીક્ષામાં પણ છબરડો સામે આવ્યો છે. ગુજરાત યુનિવર્સિટીની ઓફલાઈન પરીક્ષામાં BAના વિદ્યાર્થીઓને સેમ-6ની ઈંગ્લીશની પરીક્ષામાં સેમ-5નું અંગ્રેજીનું પેપર આપવામાં આવ્યું હતું. બાદમાં કોલેજ દ્વારા યુનિવર્સિટીને રજૂઆત કરવામાં આવી હતી. જે બાદ યુનિવર્સિટીએ તાત્કાલિક નવા પેપર સેન્ટર પર મોકલાવ્યા હતા અને 3 વાગ્યાની જગ્યાએ 4 વાગ્યે પરીક્ષા શરૂ થઈ હતી.

LLMની પરીક્ષા માટેની હોલ ટીકિટમાં નામ છોકરાનું અને ફોટો છોકરીનો છપાયો હતો
LLMની પરીક્ષા માટેની હોલ ટીકિટમાં નામ છોકરાનું અને ફોટો છોકરીનો છપાયો હતો

LLMની પરીક્ષા માટેની હોલ ટીકિટમાં નામ છોકરાનું અને ફોટો છોકરીનો છપાયો
ગુજરાત યુનિવર્સીટીમાં પરીક્ષામાં અનેક છબરડા થઇ રહ્યા છે. ઓનલાઈન પરીક્ષામાં પણ છબરડા થયા હોવાનું સામે આવ્યું હતું. પરીક્ષા અગાઉ જ વિદ્યાર્થીઓને આપવામાં આવતી હોલ ટીકીટમાં છબરડા જોવા મળ્યા હતાં. LLMના વિદ્યાર્થીઓને આપવામાં આવેલ હોલ ટીકીટમાં વિદ્યાર્થીનું નામ અલગ અને ફોટો અલગ વિદ્યાર્થીનો હતો. જેનાથી વિદ્યાર્થીઓ મુઝવણમાં મુકાયા હતાં.

અન્ય સમાચારો પણ છે...