ગુજરાતીઓની ખુશીઓ પર કરેલું રિસર્ચ:ગુજરાત સમૃદ્ધ છે એટલે ખુશ છે એવું નથી, ખુશ રહે છે એટલે જ સમૃદ્ધિ છે

અમદાવાદ4 મહિનો પહેલા
  • કૉપી લિંક
પ્રો. વિશાલ ગુપ્તા ઓર્ગેનાઇઝેશનલ બિહેવિયર પ્રોફેસર, IIM-A - Divya Bhaskar
પ્રો. વિશાલ ગુપ્તા ઓર્ગેનાઇઝેશનલ બિહેવિયર પ્રોફેસર, IIM-A
  • દિવ્ય ભાસ્કરે IIM-Aના પ્રોફેસરના સહયોગથી ગુજરાતીઓની ખુશીઓ પર કરેલું રિસર્ચ
  • આજે ખુશીનો તહેવાર ઉત્તરાયણ, વાંચો ગુજરાતની જનતા ક્યાં, કેટલી, કેવી રીતે અને કેમ ખુશ રહે છે?

હંમેશા એવું કહેવાય છે કે ગુજરાતીઓ સમૃદ્ધ પ્રજા છે. તેમની પાસે પૈસા હોય છે. આ ખરું પણ છે. પણ તેનું કારણ છે કોઈપણ પરિસ્થિતિમાં ખુશ રહેવાની ગુજરાતીઓની પ્રકૃતિ. સમૃદ્ધિ છે એટલે ગુજરાતીઓ ખુશ નથી પણ ખુશ રહે છે એટલા માટે તેમની પાસે સમૃદ્ધિ છે.

આપણે પોતાના પરિવાર, મિત્રો, ધર્મ, સમાજ, કામકાજથી લઈને ખાણી-પીણી અને હરવાફરવામાં પણ ખુશીઓ શોધી લઈએ છીએ. પણ કેવી રીતે? આઇઆઇએમ અમદાવાદના પ્રોફેસરના સહયોગથી દિવ્ય ભાસ્કરે ઉત્તરાયણના તહેવાર નિમિત્તે આ સવાલનો જવાબ શોધવાનો પ્રયાસ કર્યો. કારણ કે ઉત્તરાયણ પણ ખુશીઓનો જ તહેવાર છે.

સવાલ - ગુજરાતી પરિવારોને સૌથી વધુ ખુશી કઇ વાતથી મળે છે.
જવાબ -
પોતાના પરિવાર સાથે મેક્સિમમ સમય પસાર કરવાથી, સમાજ કલ્યાણ અર્થે પ્રવૃત્તિ કરવાથી, અબોલા જીવને ખવડાવવાથી અને જરૂરિયાતમંદોનો દાન કરવાથી સૌથી વધારે ખુશી મળે છે. આ તમામ વસ્તુઓ કરવાથી તેમને પોઝિટિવ એનર્જી મળે છે અને તે હંમેશા ખુશ રહે છે.
ગુજરાતી મિજાજ: ગમતાનું કરીએ ગુલાલ

  • પરિવાર સાથે રહેવાથી, તેમની સાથે ફરવાથી, ટૂંકમાં પરિવાર સાથે મેક્સિમમ સમય પસાર કરવાથી ગુજરાતીઓને સૌથી વધારે ખુશી મળે છે.
  • પોતાના સમાજ માટે તેના કલ્યાણ માટેની પ્રવૃત્તિ કરવાથી ગુજરાતીઓને સૌથી વધારે ખુશી મળે છે. (હોસ્ટેલ બનાવવી, સમાજના જરૂરિયાત લોકોને નોકરી કે બિઝનેસમાં મદદ કરવાથી એવી પ્રવૃત્તિઓ કે જે સમાજનું નિર્માણનું કામ કરે અને લોકોનું ભલુ થાય)
  • કબૂતર માટે ચણ કે કીડીઓને કણ અબોલ જીવ માટે આવી અનેક પ્રવૃત્તિઓ કરવાથી અને દાન કરવાથી ગુજરાતીઓને પોઝિટિવ શક્તિ સાથે સૌથી વધારે ખુશી મળે છે.

સવાલ - ઘરમાં કઇ વાતથી તેમની ખુશી વધી જાય છે
જવાબ -
ઘરમાં પોતાના પરિવાર સાથે ગેમ્સ રમવાથી, કોઇપણ એક સમય પર સાથે ભોજન કરવાથી, સાથે મૂવી જોવાથી કે પછી સાથે પોતાની મનપસંદ વસ્તુને બનાવીને ખાવાથી તેઓને સૌથી વધારે ખુશી મળે છે. આ દરેક પરિસ્થિતિમાં તેઓ પરિવારની સતત નજીક રહે છે. જેથી તેમને ક્યારેય એકલા હોવાનો અહેસાસ નથી થતો માટે જ મોટાભાગના લોકો જોઇન્ટ ફેમિલીમાં રહેવાનું પસંદ કરે છે. ઘરમાં હોય ત્યારે પરિવાર સાથે મેક્સિમમ સમય પસાર કરવાથી તેમને સૌથી વધારે ખુશી મળે છે.

સવાલ - મહિલાઓ કઇ વાતથી ખુશ જવાબ - મહિલાઓને પોતાનું મનગમતું કામ કરવાની આઝાદી છે, મહિલાઓને પરિવાર તરફથી ખૂબ જ સપોર્ટ મળે છે. સાથે જ સૌથી મહત્ત્વની વાત કે ગુજરાતમાં મહિલાઓને આદર અને માનસન્માન મળે છે જેના કારણે મહિલાઓ કોઇપણ સંકોચ વગર પોતાના નિર્ણય લઇ શકે છે તેના કારણે તેઓ હંમેશા ખુશ રહે છે.

  • મહિલાઓ પર પોતાની રીતે કઇંક કરીને પોતાના પતિ કે પરિવારને આર્થિક રીતે સપોર્ટ કરવા માંગે છે. જેના કારણે તેઓ પોતાનું મનગમતુ કામ કરે છે અને પરિવારની ઇન્કમમાં હિસ્સો બનવાથી તેને ખુશી મળે છે.
  • જોબ, બિઝનેસ કે પોતાની ઇચ્છા પૂરા કરવા માટે પરિવાર તરફથી મળતા સપોર્ટના કારણે મહિલાઓ સૌથી વધારે ખુશ છે.
  • માત્ર ઘર માં જ નહિ દરેક જગ્યાએ દરેક ક્ષેત્રમાં મહિલાઓને આદર અને સન્માન મળે છે જેના કરાણે તેઓ હંમેશા ખુશ રહે છે.

સવાલ - પુરુષો કઇ વાતથી સૌથી વધારે ખુશી મળે છે.
જવાબ -
પરિવાર સાથે સમય પસાર કરવાથી, બિઝનેસમાં સતત પ્રગતિ થવાથી, સમાજ કલ્યાણ અર્થે પ્રવૃત્તિ કરવાથી અને જરૂરિયાતમંદ લોકોને મદદ કરવાથી પુરુષોને સૌથી વધારે ખુશી મળે છે.

સવાલ - એવો કયો વિશ્વાસ છે કે જે ગુજરાતીઓને કોઇ પણ પરિસ્થિતિમાં હંમેશા ખુશ રાખે છે.
જવાબ -
થઇ જશે એ શબ્દથી ગુજરાતીઓને શક્તિ મળે છે. હું એકલો નથી, પરિવાર અને ઇશ્વર બન્ને મારી સાથે છે એટલે તેઓ તમામ કામ કરી શકે છે તેવુ તેઓ માને છે અને આજ વિશ્વાસ છે કે જે ગુજરાતીઓને કોઇપણ પિરસ્થિતિમાં હંમેશા ખુશ રાખે છે.

  • ગુજરાતીઓ જોઇન્ટ ફેમિલીમાં રહે છે એટલે પરિવાર હંમેશા સાથે હોવાથી તેમને ક્યારેય એકલા હોવાનો અહેસાસ નથી થતો જેથી પરિવારની આ શક્તિને કારણે તેઓ હંમેશા ખુશ રહે છે.
  • કોઇપણ પરિસ્થિતિમાં વિચલિત થઇને નેગેટિવ વિચાર કરવા કરતા તેઓ પોતાના પરના વિશ્વાસને કારણે થઇ જશે, કરી લઇશુ જેવા પોઝિટિવ અપ્રોચ અને માઇન્ડ સેટને કારણે હંમેશા ખુશ રહે છે.

સવાલ - ધર્મ, આસ્થાનું ગુજરાતીઓની ખુશીઓમાં શું યોગદાન છે
જવાબ -
ધર્મ અને આસ્થાનું ગુજરાતીઓની ખુશીઓમાં ખૂબ મોટુ યોગદાન છે. ભગવાન પરની શ્રદ્ધાને કારણે જ તેઓ એવુ માને છે કે ઇશ્વર હંમેશા તેમની સાથે જ છે. સાથે જ બિઝનેસમાં સફળતાને પણ તેઓ ભગવાની કૃપા માને છે જેથી તેઓ ઇશ્વરએ આપેલી સફળતા માંથી જ પાછું ઇશ્વર અને સમાજને આપવાનું પસંદ કરે છે. જેથી તેઓ મંદિરોમાં દાન કરે છે, જરૂરિયાતોની મદદ કરે છે, અબોલ જીવને ખવડાવાનું પસંદ કરે છે અને આજ ભક્તિની શક્તિને કારણે તેમના ચહેરા પર કોઇપણ પરિસ્થિતિમાં સ્માઇલ બરકરાર રહે છે. (આ વાત નીચે 3 પોઇન્ટર્સમાં લખી છે)

  • ભગવાન પરની ભક્તિ અને આસ્થાને કારણે જ હંમેશા પોતાની સાથે ઇશ્વર હોવાનો અહેસાસને કારણે બિઝનેસમાં મુશ્કેલ પરિસ્થિતિમાં પણ તેઓ હસતા રહે છે.
  • ભગવાનની આસ્થાને કારણે જ બિઝનેસમાં આવતી મુશ્કેલ પરિસ્થિતિમાં પણ વિચલિત નથી થતા કારણ કે તેઓ માને છે કે એક પોઝિટિવ શક્તિ છે કે જે તેમના માટે સતત કામ કરે છે જેથી તેઓ મુશ્કેલ પરિસ્થિતિમાં પણ હસતા રહે છે.
  • ભગવાનમાં આસ્થા એટલી મજબૂત છે કે અંહીયા લોકો ભગવાનના નાના ફંકશન પણ ખૂબ જ મોટી રિતે કરતા હોય છે અને તેનાથી તેમને ખુશી મળતી હોય છે.

સવાલ - બિઝનેસમાં સફળતા દરેક પરિસ્થિતિમાં ખુશ રહેવાથી મળે છે કેવી રિતે
જવાબ -
ઇશ્વરમાં શ્રદ્ધા અને પોતાના પરનો આત્મવિશ્વાસ અને કોઇપણ પરિસ્થિતિમાં પોતાના પરિવારનો સાથના કારણે ગુજરાતીઓ કોઇપણ પરિસ્થિતિમાં ખુશ રહે છે અને બિઝનેસમાં સફળતા મેળવે છે.
(આ વાત નીચે 3 પોઇન્ટર્સમાં લખી છે)

  • ઇશ્વર પર શ્રદ્ધા હોવાથી ગુજરાતીઓને વિશ્વાસ હોય છે કે હું સારુ કામ કરી રહ્યો છું તો મારો ઇશ્વર પણ મારી સાથે કઇં ખોટુ નહિ કરે એટલા માટે તેઓ કોઇપણ રિસ્ક લેતા ખચકાતા નથી તેથી તેઓ મોટાભાગે સફળતા મેળવે છે.
  • બિઝનેસમાં પણ મોટેભાગે પરિવારના લોકો હોવાથી જો બિઝનેસમાં નુકસાન થાય તે તે ફેલ થાય તો તેઓને ખબર છે કે તેમનો પરિવાર તેમની સાથે જ છે જેથી તેઓ એકલા ક્યારેય ફિલ નથી કરતા અને પરિવારના સાથના કારણે મુશ્કેલ પરિસ્થિતિમાંથી પણ હસતા હસતા બહાર આવી જાય છે.
  • ગુજરાતીઓનું માઇન્ડ સેટ પણ હેપીનેસનું મોટુ કારણ છે.

ઉદાહરણ એક માઇન્ડ સેટ એ હોય કે તમને વધારે મળશે તો મને ઓછુ મળશે, મને વધારે મળશે તો તમને ઓછુ મળશે પણ અંહીયાના લોકોનું માઇન્ડ સેટ એ છે કે ચલો સાથે મળીને મોટુ કામ કરીએ જેથી બન્નેને વધારે મળે. અંહીયા લોકો એકબીજાની ઇર્ષા કરતા સાથે મળીને મોટુ કામ કરવાની વાત કરે છે.

સવાલ - જમવામાં કઇ એવી વસ્તુ છે કે જે તેમની ખુશી વધારી દે છે
જવાબ - ફૂ
ડ એ ગુજરાતીઓની હેપીનેસના સૌથી મોટા કારણમાંનું એક કારણ છે. ગુજરાતીઓ બિગટાઇમ ફૂડી છે. તેઓ સતત કઇંક નવુ એક્સપ્લોર કરતા રહે છે. એટલા માટે જ ગુજરાતમાં પરંપરાગત ગુજરાતી ફૂડની સાથે સાથે તમામ આંતરરાજ્યકીય અને આંતરરાષ્ટ્રીય ફૂડ પણ મોટા પ્રમાણમાં જોવા મળે છે. ગુજરાતીઓ આ દરેક ફૂડને ગુજરાતી ફૂડ બનાવી જાણે છે.

(અલગ અલગ ફૂડનું ગુજરાતી વર્ઝન ગુજરાતીઓ બનાવી લે છે ) જ્યારે પણ ગુજરાતીઓ પોતાના રાજ્ય કે દેશની બહાર જાય છે ત્યારે તેઓ સૌથી પહેલા પોતાના પરંપરાગત ફૂડ ખાવાનો આગ્રાહ રાખે છે. એટલે જ આપણને ગુજરાતી થાળી અને કેટલીક પરંપરાગત ગુજરાતી વાનગીઓ બધે જ આસાનીથી મળી જાય છે.

સવાલ - ફ્રી સમયમાં કઇ એવી એક્ટિવિટી છે જે તેમને સૌથી વધારે પસંદ છે જે સૌથી વધુ ખુશી આપે છે
જવાબ -
ગુજરાતીઓ હંમેશાથી પ્રોગ્રેસિવ લોકો છે. જેથી ફ્રી સમયમાં પણ તેઓ પોતાના પરિવાર સાથે તેઓ પોતાની લીટીને કઇં રીતે મોટી કરી શકે તે અંગે પ્રયાસ કરતા હોય છે. ઉદાહરણ તરીકે ફ્રી સમયમાં તેઓ શેર બજારમાં રોકાણ કરતા હોય છે. કે ફ્રી સમયમાં આવી જ રિતે ઇન્કમના વધારવાના કોઇ બીજા સોર્સ વિશે વિચાર કરતા હોય છે. તેઓને ફ્રી સમયમાં પણ પોતાની લીટી વધારવાથી સૌથી વધારે ખુશી મળે છે. જોબ કરતા કેટલાક ગુજરાતીઓ પણ જોબ સાથે ફ્રી સમયમાં એકસ્ટ્રા ઇન્કમ માટે કામગીરી કરતા હોય છે. ઇનશોર્ટ ગુજરાતીઓને ફ્રી સમયમાં તેમની લીટી વધારવાથી સૌથી વધારે ખુશી મળે છે.

અન્ય સમાચારો પણ છે...