તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

સૌથી મોટો ઘટાડો:6 મહિનામાં સોનું ~9000 સસ્તું, બજેટમાં સોના પર કસ્ટમ ડ્યૂટી ઘટવાથી ભાવમાં ઘટાડો

અમદાવાદએક મહિનો પહેલા
  • કૉપી લિંક
  • સોનામાં અત્યાર સુધીનો સૌથી મોટો ઘટાડો, ઓગસ્ટ પછી 24 કેરેટ ગોલ્ડનો ભાવ 58 હજારથી 49 હજાર થયો
  • 7 ઓગસ્ટે 58000 ભાવ હતો જે ઘટીને 8 ફેબ્રુઆરીએ 49000 થયો

સોના-ચાંદીમાં તેજીનો યુ-ટર્ન જોવા મળ્યો છે. સોનું 7 ઓગસ્ટના રેકોર્ડ પ્રતિ 10 ગ્રામ 58000ની સપાટીથી છ માસના અત્યંત ટૂંકાગાળામાં સરેરાશ રૂ.9000 ઘટી અત્યારે રૂ.48000ની સપાટી પર બોલાઇ ચૂક્યું છે. સોનામાં ઘટાડાના મુખ્ય કારણોમાં વૈશ્વિક સ્તરે કોરોના વેક્સિનની ઉપલબ્ધી, બજેટમાં આયાત ડ્યૂટીમાં 5 ટકાનો ઘટાડો કરી 7.5 ટકા કરી દેવામાં આવતા તેમજ હેજફંડો-રોકાણકારો ગોલ્ડમાં પ્રોફિટબુક કરી ઇક્વિટીમાં પ્રવેશતા માર્કેટમાં શોર્ટટર્મ ટ્રેન્ડ નેગેટિવ રહ્યો છે.

બૂલિયન એનાલિસ્ટોના મતે સોનામાં રૂ.48000ના ભાવે ખરીદવું ઉત્તમ સાબીત થઇ શકે છે. લોંગટર્મ ફંડામેન્ટલ તેજીના બની રહ્યાં છે. વર્ષાન્ત સુધીમાં સોનું ફરી વધી પ્રતિ 10 ગ્રામ 58000-60000ની સપાટીએ પહોંચશે તેવો અંદાજ છે. આંતરરાષ્ટ્રીય બજારમાં સોનું ઓગસ્ટ માસમાં રેકોર્ડ2067 ડોલરની સપાટી કુદાવ્યા બાદ સરેરાશ 230 ડોલર ઘટી 1820 ડોલર બોલાઇ રહ્યું છે.

તેજીના કારણોમાં ઇક્વિટી માર્કેટમાં કરેક્શનનો દોર શરૂ થતા સોના-ચાંદીમાં હેજફંડોની ખરીદી ખુલશે આ ઉપરાંત ફેડરલ રિઝર્વ લોંગટર્મ શુન્ય વ્યાજદર જાળવી રાખશે, વીશ્વના ટોચના દેશો ફુગાવાને ધ્યાનમાં રાખી કરન્સીનું ડિવેલ્યુએશન કરશે જેના કારણે સેન્ટ્રલ બેન્ક, હેજફેડ્સ તથા SPDRગોલ્ડ ઇટીએફ હોલ્ડિંગથી બૂલિયનમાં તેજીનો ટ્રેન્ડ જોવા મળી શકે છે. જ્યારે ચાંદી સપતાહ પૂર્વે 30.03 ડોલરની સપાટી પહોંચતા અમદાવાદ ખાતે રૂ.73000 બોલાઇ હતી જે ઘટીને અત્યારે રૂ.68500 બોલાઇ રહી છે.

સોનામાં કરેક્શનનાં મુખ્ય 5 કારણ

  • કોરોના વેક્સિનની વિશ્વના તમામ દેશોમાં ઉપલબ્ધી, વૈશ્વિક અર્થતંત્ર ફરી થાળે પડતા, જીડીપીમાં સુધારાનો ટ્રેન્ડ
  • બજેટમાં સોના-ચાંદીની આયાત ડ્યૂટી 5 ટકા સુધી ઘટાડાતા
  • હંજફંડો, ગોલ્ડ SPDR ટ્રેડેડ ફંડો દ્વારા આવેલ પ્રોફિટબુકિંગ
  • ડોલર સામે રૂપિયામાં મજબૂતી

સોનામાં : કયા-કયા કારણોસર હવે તેજીની આશા

  • ફિઝિકલની સાથે-સાથે ગોલ્ડ ઇટીએફમાં પણ હેજફંડ્સ-રોકાણકારોનો ઉત્સાહ વધ્યો.
  • કોરોના મહામારી જેવી આવનાર આપત્તિમાં સલામત રોકાણમાં સોનામાં શ્રેષ્ઠ રિટર્ન મળી શકે, જિયો ક્રાઇસિસ, કટોકટી, ટ્રેડવોરના કારણે સલામત ગણાતા સોના-ચાંદીમાં રોકાણ ઉત્તમ.
  • ફેડરલ રિઝર્વ લોંગટર્મ શુન્ય વ્યાજદર જાળવી રાખશે, સોના-ચાંદીમાં વધુ ચમક આવશે.
  • ઇક્વિટી, મ્યુ. જેવા ક્ષેત્રે રિસ્ક વધુ જ્યારે સોનામાં સલામતીથી રોકાણ આવશે.
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- કોઈ ખાસ કામ પૂરું કરવામાં આજે તમારી મહેનત સફળ રહેશે. સમયમાં સકારાત્મક પરિવર્તન આવી રહ્યું છે. ઘર અને સમાજમાં તમારા યોગદાન અને કાર્યની પણ પ્રશંસા થશે. નેગેટિવઃ- નજીકના કોઈ સંબંધીના કારણે પ...

    વધુ વાંચો