ભાસ્કર વિશેષ:GNLU ડોક્ટરો માટે મેડિકલ લો, પોલિસી અને એથિક્સનો એક વર્ષનો PG ડિપ્લોમા શરૂ કરશે

અમદાવાદ2 મહિનો પહેલા
  • કૉપી લિંક
  • યુનિવર્સિટી-ઇન્ડિયન મેડિકલ એસો. વચ્ચે સમજૂતી, જાન્યુઆરીથી કોર્સ ચલાવાશે

ગુજરાત નેશનલ યુનિવર્સિટી (જીએનએલયુ) અને ઇન્ડિયન મેડિકલ એસોસિએશન ગુજરાત સ્ટેટ બ્રાન્ચ (આઈએમએ જીએસબી) એ મેડિકલ પ્રોફેશનલ્સ-ડોક્ટરો માટે મેડિકલ, લો, પોલિસી અને એથિક્સને લગતો એક વર્ષનો પીજી ડિપ્લોમા કોર્સ શરૂ કરવા માટે એક સમજૂતી કરાર એમઓયુ કર્યો છે, જેના ભાગરૂપે જીએનએલયુમાં તબીબો માટે મેડિકલ લો, પોલિસી અને એથિક્સનો એક વર્ષનો પીજી ડિપ્લોમા કોર્સ જાન્યુઆરી-23થી શરૂ કરવામાં આવશે.જીએનએલયુના ડિરેક્ટર ડૉ. એસ. શાંથાકુમાર અને આઈએમએ જીએસબી સેક્રેટરી ડો. મેહુલ શાહે શનિવારે આ માટે એક એમઓયુ પર હસ્તાક્ષર કર્યા હતા.

ડો. મેહુલ શાહે જણાવ્યું કે, આજના જટિલ હેલ્થકેર લેન્ડસ્કેપ પડકારોને પહોંચી વળવા મેડિકલ પ્રેક્ટિશનર માટે કાયદાનું જ્ઞાન વધુને વધુ જરૂરી બની રહ્યું છે, જેથી અમે મેડિકલ પ્રોફેશનલ્સ માટે મેડિકલ લો, પોલિસી અને એથિક્સનો નવો ડિપ્લોમા કોર્સ શરૂ કરવા દેશની સર્વશ્રેષ્ઠ કાયદાની યુનિવર્સિટીઓમાંની એક જીએનએલયુ સાથે જોડાયા છે.

જીએનએલયુ ડિરેક્ટર અને પ્રોફેસર ડૉ. એસ. શાંથાકુમારે જણાવ્યું કે, ‘ડોક્ટરે ખાસ આવા કાયદાનું જ્ઞાન મેળવવું જોઈએ, કારણ કે ડૉક્ટર-દર્દીનો સંબંધ નાજુક છે. નવા કોર્સ દ્વારા ડોક્ટરોને હેલ્થ કેર પ્રોફેશનલ્સ સમક્ષના સમકાલીન કાનૂની, નૈતિક પડકારોનો અભ્યાસ કરવાની તક મળશે, જેમાં મેડિકલ નેગલિજન્સ, આસિસ્ટેડ રિપ્રોડક્શન, ગર્ભપાત, જિનેટિકસ-આનુવંશિક, તબીબી, સારવારના ધોરણો, ટ્રાન્સપ્લાન્ટેશન, અંગ પ્રત્યારોપણ, ઇચ્છામૃત્યુ જેવા મુદ્દાઓ સહિત વ્યાપક કવરેજ હશે.

ડિપ્લોમા કોર્સમાં આ વિષયો આવરી લેશે.

ફરજિયાત વિષયો

  • ભારતીય કાનૂની પ્રણાલીનો પરિચય
  • જાહેર આરોગ્ય, આરોગ્ય સંભાળ અને તબીબી વ્યવસાયનું નિયમન કરતું કાનૂની માળખું, રાષ્ટ્રીય અને આંતરરાષ્ટ્રીય દૃશ્ય
  • તબીબી પ્રેક્ટિસ: મુદ્દાઓ અને મુકદમા માનસિક સ્વાસ્થ્ય અને કાયદો
  • વ્યાવસાયિક આચાર, શિષ્ટાચાર અને નીતિશાસ્ત્ર
  • તબીબી કાયદો અને નીતિશાસ્ત્ર: ઊભરતા મુદ્દાઓ અને ચિંતાઓ
  • ઇ-સ્વાસ્થ્ય અને નિયમન

વૈકલ્પિક વિષયો

  • બાયોમેડિકલ સંશોધન અને પ્રયોગો સંબંધિત કાયદો અને નીતિશાસ્ત્ર
  • દવાઓનું નિયમન, દવાઓની પેટન્ટ અને દવાની ઍક્સેસ
  • ફોરેન્સિક વિજ્ઞાન અને કાયદો
  • અપંગતા, કાયદો અને નીતિ
  • જિનેટિક્સ અને કાયદો
  • આરોગ્ય વીમો
અન્ય સમાચારો પણ છે...