ગાર્ડન અનલોક:અમદાવાદમાં બગીચા હવે સવારે 6.30થી 9.30, સાંજે 6થી રાત્રે 9 સુધી ખુલ્લા રહેશે

શહેરમાં મ્યુનિ. સંચાલિત તમામ બગીચાને લોકડાઉન દરમ્યાન બંધ રાખ્યા બાદ છેલ્લા કેટલાક સમયથી સવાર-સાંજ, બે- બે કલાક માટે ખુલ્લા રાખવામાં આવે છે. આ સમય મર્યાદામાં બીજા બે કલાકનો ઉમેરો કરવામાં આવ્યો છે. શહેરના બગીચા છેલ્લા લાંબા સમયથી માત્ર સવાર સાંજ બે- બે કલાક જ ખુલ્લા રાખવામાં આવતાં હતા. કોરોનાના કેસ ઘટતાં મ્યુનિ. કમિશનરે સવારે 6.30 થી 9.30 વાગ્યા સુધી અને સાંજે 6થી 9 વાગ્યા સુધી બગીચા ખુલ્લા રહેશે.

અગાઉ બગીચા સવારે 7થી 9 અને સાંજે 5થી 7 વાગ્યા સુધી ખુલ્લા રાખવામાં આવતા હતા. કોરોનાનું સંક્રમણ વધતાં જાહેર બગીચાના સમયમાં કાપ મૂકવામાં આવ્યો હતો. જો કે, હવે શહેરમાં કેસની સંખ્યામાં નોંધપાત્ર ઘટાડો થતાં ફરી સમય વધારવામાં આવ્યો છે.