તહેવારોનો માસ:આજથી શ્રાવણ માસની સાથે તહેવારોની મોસમ આગામી 103માંથી 40થી વધુ દિવસ ઉત્સવના

સિદ્ધિ યોગ સાથે પવિત્ર શ્રાવણ માસનો શુક્રવારથી પ્રારંભ થઈ રહ્યો છે. ભગવાન શિવની આરાધાનના આ મહિનાની શરૂઆતની સાથે તહેવારોનો પણ પ્રારંભ થશે. જ્યારે આગામી 103 દિવસ એટલે કે કારતક સુદ પૂનમ સુધી 40થી વધુ દિવસ વ્રત અને તહેવારો આવશે. શ્રાવણમાં નાગ પંચમી અને રક્ષાબંધન, રાંધણ છઠ, શીતળા સાતમ, જન્માષ્ટમી, ગણેશોત્સવ આવશે.

આ ચાર મહિનામાં એકાદશીઓ, ચતુર્થી સહિત ખાસ તિથિઓ
આસો માસમાં સૌથી વધુ દિવસ ઉત્સવ મનાવાશે, જેમાં 15 દિવસ શ્રાદ્ધ પક્ષ, 9 દિવસ નવરાત્રી, દશેરા અને શરદ પૂનમ આવશે. કારતક મહિનામાં ચોથ, પુષ્યનક્ષત્ર, પાંચ દિવસ દિવાળી, દેવઊઠી એકાદશી અને દેવદેવાળી પર્વ આવશે. દેવઊઠી અગિયારસની સાથે જ ચાતુર્માસ પૂરા થશે. આ ચાર મહિનામાં એકાદશીઓ, ચતુર્થી સહિત ખાસ તિથિઓ પણ ઊજવાશે.

આ વખતે શ્રાવણ માસમાં 4 સોમવાર આવશે
​​​​​​​જ્યોતિષી આશિષ રાવલ અનુસાર, વ્રતની વણઝાર એટલે શ્રાવણ માસ. નવગ્રહ નડતર નિવારણ માટે શ્રાવણમાં શિવજીની ઉપાસના-આરાધના ઉત્તમ મનાય છે. આ વખતે શ્રાવણ માસમાં 4 સોમવાર આવશે. શિવપુરાણ અનુસાર શિવજી જેવા દયાળુ અન્ય કોઈ જ દેવ નથી. શતેમણે વધુમાં જણાવ્યું કે, શ્રાવણ સુદ 1ને શુક્રવારે જીવંતિકા વ્રત કરવામાં આવશે. આ વ્રતનો પ્રારંભ શ્રાવણ માસના શુક્રવારથી કરી શકાય છે. સંજોગોવસાત પ્રથમ શુક્રવારે વ્રત ન થાય તો બીજા શુક્રવારથી પણ વ્રતની શરૂઆત કરી શકાય છે.

આ ચાર મહિનામાં એકાદશીઓ, ચતુર્થી સહિત ખાસ તિથિઓ પણ રહેશે

​​​​​​​આજે જીવંતિકા વ્રત પણ ઊજવાશે

શ્રાવણ સુદ 1 એટલે કે શુક્રવારે ‘જીવંતિકા વ્રત’ કરવામાં આવશે. જ્યોતિષી આશિષ રાવલના જણાવ્યા અનુસાર, આ વ્રતનો પ્રારંભ શ્રાવણ માસના શુક્રવારથી કરી શકાય છે. સંજોગવશાત પ્રથમ શુક્રવારે વ્રત ન થાય તો બીજા શુક્રવારથી પણ વ્રતની શરૂઆત કરી શકાય છે.

5 પુષ્ય નક્ષત્ર 29 જુલાઈ, શુક્રવાર 24 ઓગસ્ટ, બુધવાર 25 ઓગસ્ટ, ગુરુવાર 21 સપ્ટેમ્બર, બુધવાર 19 ઓક્ટોબર, બુધવાર

આ વખતે શ્રાવણમાં 4 સોમવાર

​​​​​​​